Bul - QR Aýyl sharýashylyǵy birinshi vıse-mınıstri Aıdarbek Saparovtyń sózi.
1 sáýirdegi málimet boıynsha, respýblıkada 6,4 mln tonna astyq bolǵan, dep habarlaıdy Almaty-akshamy.kz Aıdarbek Saparovtyń sózine silteme jasap.
«Ózderińizge belgili, BAQ betterinde birqatar dıirmenniń shıkizat defısıtine baılanysty jumysy toqtaǵany jazylyp jatyr. Munda birden aıtqym keletini – elde eshqandaı astyq tapshylyǵy joq. Respýblıkada jetkilikti mólsherde astyq bar. Barshańyzdy dúrbeleń týdyrmaýǵa jáne jeke múddeni halyqtyń jalaqysymen jasyrmaýǵa shaqyramyn», - dedi A. Saparov Ortalyq komýnıkasıalar qyzmetinde ótken baspasóz máslıhatynda.
Aldyn ala statısıka deregine sáıkes, 1 sáýirdegi jaǵdaı boıynsha, respýblıkada 6,4 mln tonna astyq bolǵan.
«Bul kólem ishki tutynýdy qamtamasyz etýge jáne bir bóligin eksportqa, onyń ishinde un túrinde jiberýge de jetkilikti. Aıta keteıik, jyl saıyn biz shamamen 3 mln tonna un óndiremiz, biraq bul kólemniń jartysy eksportqa jiberiledi. Osylaısha, óndiriletin unnyń barlyǵy ishki naryqqa ketpeıtinin túsiný kerek. Al keıbir dıirmender tek eksportqa jumys isteıdi», - dedi Aıdarbek Saparov.
Buǵan deıin Astyq óńdeýshiler odaǵy elimizde bir jarym aptaǵa ǵana jeterlik bıdaı qory qalǵanyn málimdegen edi. Astyq ósirýshiler men óńdeýshiler bıdaıdy bólise almaı daý týǵany, bıdaı taýsylsa, barlyq dıirmender jumysyn toqtatýǵa májbúr ekeni aıtylǵan.