Almaty polısıasy “Egov” portaly arqyly alaıaqtardan qorǵanýdy usyndy.
Almatydaǵy “Kıberpol” ınternet pen telefon alaıaqtyǵynyń kóbeıip bara jatqanyn eskertti, dep habarlaıdy aqshamnews.kz Polisia.kz-ke silteme jasap.
– Qaýipsizdik sharalaryn kúsheıtý maqsatynda azamattarǵa “eGov mobile” mobıldi qosymshasynda nemese “eGov.kz” portalynda nesıe men shaǵyn nesıe alýdan erikti túrde bas tartý týraly ótinish berýdi usynamyz. Nesıeler men shaǵyn nesıelerdi rásimdeýge tyıym salý 6 aıǵa belgilenedi jáne merzimi ótkennen keıin avtomatty túrde joıylady. Sondaı-aq bul shekteýlerdi kez kelgen ýaqytta ótinish berý arqyly joıýǵa bolady. Nesıe alýdan erikti túrde bas tartý qyzmeti “eGov mobile” mobıldi qosymshasynyń basty betindegi Tanymal qyzmetter bóliminde qoljetimdi. Osyǵan uqsas qyzmetti “eGov.kz” portalynyń Azamattar – Keden jáne salyqtar – Ekonomıka jáne qarjy bóliminde de alýǵa bolady, – dedi Almaty qalalyq PD krımınaldyq polısıa basqarmasynyń bastyǵy Maqsat Qanapáev.