Almatynyń Qala qurylysyn baqylaý basqarmasy sottyń sheshimimen Vıláms kóshesi, 73 mekenjaıyndaǵy iri qosymsha qurylystyń buzylǵanyn habarlaıdy.
Buryn basqarma menshik ıesine (jeke tulǵaǵa) qatysty jospardan tys tekserý nátıjesinde jobalaý-smetalyq qujattamanyń jáne saraptama qorytyndysynyń, avtorlyq jáne tehnıkalyq qadaǵalaýlardyń bolmaýyna baılanysty ákimshilik sharalar qabyldaǵan bolatyn, dep habarlaıdy aqshamnews.kz.
Tekserý barysynda menshik ıesi ekonomıkalyq ádispen mansarda men komersıalyq úı-jaı salǵany anyqtaldy.
Menshik ıesi jiberilgen buzýshylyqtardy joıýǵa berilgen nusqamany oryndamady jáne basqarma Almaty qalasynyń mamandandyrylǵan aýdanaralyq ekonomıkalyq sotyna buzýǵa talap aryz berdi.
Osy jyldyń 7 naýryzynda sottyń sheshimimen basqarmanyń talap-aryzy qanaǵattandyryldy.
Menshik ıesi nysandy sot oryndaýshylarynyń qatysýymen óz betinshe buzdy.
Esterińizge sala keteıik, Almaty ákimi Erbolat Dosaevtyń zańsyz qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 45 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne t.b. tolyq nemese jartylaı buzylǵan.
