Eldiń basym bóliginde qar jaýady, jel kúsheıedi
«Qazgıdromet» RMK 31 qańtar kúni el aýmaǵynda aýa raıy qandaı bolatynyn jarıalady, dep habarlaıdy Almaty-akshamy.kz.
QR basym bóliginde atmosferalyq aǵyndardyń áserinen aýa raıy qubylmaly bolady, kóbinese qar jaýady, jel kúsheıip, burqasyn, kóktaıǵaq kútiledi. Tek respýblıkanyń ońtústiginde jaýyn-shashynsyz.
Aqmola oblysynyń soltústiginde, shyǵysynda jaıaý burqasyn, jeldiń jyldamdyǵy 15-20 m/s.
Batys Qazaqstan oblysynyń ońtústiginde tuman, soltústiginde, soltústik-shyǵysynda jeldiń 15-20 m/s kúsheıýi kútiledi.
Túnde Aqtóbe oblysynyń soltústiginde jaıaý burqasyn, oblystyń soltústiginde jáne soltústik-shyǵysynda tuman túsip, kóktaıǵaq bolady.
Qostanaı oblysynyń ońtústiginde jaıaý burqasyn, jeldiń 15-20 m/s kúsheıýi, al batysy men soltústiginde tuman túsýi boljanýda.
Soltústik Qazaqstan oblysynyń batysynda jaıaý burqasyn, kúndiz batysynda jeldiń 15-20 m/s kúsheıýi yqtımal. Shyǵys Qazaqstan oblysynyń batysynda, ońtústiginde jaıaý burqasyn, batysynda jeldiń 15-20 m/s kúsheıýi kútiledi.
Túrkistan oblysynyń ońtústiginde, batysynda, taýly, taý bókterli aýdandarynda, Qyzylorda oblysynyń soltústiginde, Jambyl oblysynyń soltústiginde, taýly jáne taý bókterli aýdandarynda tuman túsedi.
Túnde Almaty oblysynyń shyǵysynda, Atyraý oblysynyń batysynda, soltústiginde jáne ortalyǵynda, Mańǵystaý oblysynyń soltústik-batysynda tuman, kóktaıǵaq.