Alǵash ret qolǵa alynǵan joba ana tilinde erkin oılap, sóılegisi keletinderge arnalǵan.
Ortalyqqa kelýshiler qazaq tilin úırený kýrsyna qatysyp, qazaqtyń mádenıetimen jaqyn tanysýǵa múmkindik alady, dep habarlaıdy Almaty-akshamy.kz 24.kz-ke silteme jasap.
Uıymdastyrýshylardyń aıtýynsha árbir kelýshiniń jeke tulǵalyq qasıeti eskerilip, kognıtıvti oılaýǵa negizdelgen tıimdi til úırený ádisi usynylady. Ortalyqqa mektep jasyndaǵy balalar da, eresek adamdar da kele alady.
«Men qazaqsha óte qatty sóılegim kelip tur. Men Qazaqstanda qazaqsha jaqsy sóıledim, biraq, Dýbaıǵa kelgende sál sál umytyp qaldym. Bul jerde oqyǵym kelip tur qatty, maǵan bári unaıdy myna jerde», - deıdi Dýbaı turǵyny Muqaǵalı Musa.
«Qazaq tilin jetik meńgerý, sonymen birge ózimizdiń ulttyq merekelerimizdi, salt dástúrimizdi, ózimizdiń tarıhymyzdy umytpaý. Bizdiń ortalyqta qazaq tili aǵylshyn tilimen birge júredi. Meni búgin qýantqany balalardyń kóp kelgeni, qazaqtyń ulttyq kıimderin kıip, qazaqsha sóılep, qazaq tilin úırenýge qulshynystaryn arttyryp jatyr», - deıdi Nomad mádenı ortalyǵynyń jetekshisi Dınara Shahmetova.