Ulttyq ekonomıka vıse-mınıstri B. Omarbekovtiń aıtýynsha, aýyldyq jerlerde kadrlyq áleýetti arttyrý maqsatynda júzege asyrylyp jatqan «Dıplommen aýylǵa» jobasy eldegi eń tıimdi áleýmettik bastamalardyń biri sanalady.
Joba aıasynda mamandarǵa áleýmettik qoldaý sharalary qarastyrylǵan:
- 100 AEK kóleminde birjolǵy kóterme járdemaqy,
- 2500 AEK-ke deıingi jeńildikti nesıe turǵyn úı satyp alýǵa beriledi.
2009 jyldan 2024 jylǵa deıingi kezeńde:
- 114 myńnan astam jas maman kóterme járdemaqy alǵan,
- 52 myńnan astam maman jeńildikti nesıege qol jetkizip, baspanaǵa ıe bolǵan.
B. Omarbekov atap ótkendeı, baǵdarlamaǵa qatysýshylardyń basym bóligi – jastar, olardyń arasynda muǵalimder, dárigerler, agronomdar, ınjenerler jáne aýyl sharýashylyǵy mamandary kóp.
Bul bastama bıylǵy Jumysshy mamandyqtar jyly jarıalanýymen erekshe úndesip otyr. Prezıdent Qasym-Jomart Toqaev óz Joldaýynda eńbek adamynyń mártebesin kóterýdiń, eldi damytý úshin jumysshy jáne tehnıkalyq mamandyqtardy qoldaýdyń mańyzdylyǵyn atap ótken edi.
«Dıplommen aýylǵa» jobasy – aýyldy jerlerdegi kadr tapshylyǵyn azaıtyp qana qoımaı, jastardyń týǵan jerinde eńbek etýge yntalandyrýdyń naqty tetigi. Ol aýyldarda bilikti mamandardyń turaqtaýyna, jańa jumys oryndarynyń paıda bolýyna jáne jergilikti ekonomıkanyń damýyna serpin berip otyr.