Prezıdent Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda jáne Memleket basshysynyń ózge de tapsyrmalaryn júzege asyrý aıasynda «Taza Qazaqstan» ekologıalyq bastamasy keń kólemde qolǵa alyndy.
Bastama aıasynda respýblıka boıynsha 1 myńnan astam ekologıalyq aksıa uıymdastyrylyp, oǵan 10,4 mıllıonnan astam azamat qatysty. Onyń ishinde 586 myńnan astamy erikti boldy. Bul – qazaqstandyqtardyń tabıǵatqa janashyrlyqpen qarap, ortaq iske jumyla alatynyn kórsetetin aıqyn dálel.
Ekologıa jáne tabıǵı resýrstar mınıstri Erlan Nysanbaevtyń aıtýynsha:
«Jalpy 1,6 mln tonnadan astam qaldyq jınalyp, 859,6 myń gektardan astam aýmaq tazartyldy».
«Taza Qazaqstan» tek qoqys jınaý naýqany ǵana emes, ol ekologıalyq mádenıetti qalyptastyrýǵa baǵyttalǵan qoǵamdyq qozǵalysqa aınaldy. Árbir azamattyń óz úıiniń aýlasyn, óz kóshesin tazartýǵa qosqan úlesi tutas eldiń ekologıalyq bolashaǵyna áser etedi.
Bul bastama:
-
azamattyq jaýapkershiliktiń ósýine,
-
ekologıalyq sana-sezimniń qalyptasýyna,
-
qoǵamda birlik pen ortaq múddeni qorǵaý mádenıetiniń nyǵaıýyna yqpal etti.
Nátıjesinde, Qazaqstan turaqty ekologıalyq damý baǵytyn naqtylap, tabıǵatqa janashyrlyqpen qaraý mádenıetin nyǵaıtyp keledi. Prezıdent Joldaýynda aıtylǵandaı, memleket pen qoǵam kúsh biriktirse, kez kelgen ıgi istiń jemisti bolatynyn «Taza Qazaqstan» bastamasy aıqyn kórsetti.