Qartaıýdy tejeýge bolady
Adamnyń maı tinindegi eski dısfýnksıalyq jasýshalardy joıý 2 tıpti qant dıabetiniń belgilerin azaıtady. Konnektıkýt ýnıversıteti mamandarynyń Cell Metabolism jýrnalynda jarıalaǵan zertteý nátıjeleri ártúrli metabolıkalyq aýrýlardy emdeýdiń jańa ádisterin jasaýǵa kómektesedi. Ǵylymı jumys týraly qysqasha MedicalXpress-tegi baspasóz habarlamasynda sıpattalǵan, dep habarlaıdy Almaty-akshamy.kz tilshisi Lenta.ru-ǵa silteme jasap.
Aǵzadaǵy jasýshalar (kletkalar) únemi jańaryp otyrady, alaıda bul mehnızm keıde sátsizdikke ushyraıdy. Nátıjesinde tinderde qartaıýshy nemese senesentti jasýshalar jınalyp, defektti sıgnaldy molekýlalar bólip, óziniń aınalasyna áser etedi. Sonyń saldarynan ony qorshap turǵan kletkalar qorektik zattardy, mysaly, qantty nashar sińirip, dıabetke deıingi jaǵdaıdy týdyrady.
Ǵalymdar tájirıbelik preparattar: dazatınıb pen kversıtın kombınasıasyn jasap, synaqtan ótkizip kórdi. Dazatınb pen kversıtınniń kári tyshqandardyń ómir súrý uzaqtyǵyn arttyryp, densaýlyqtaryn jaqsartatyny dáleldengen. Alynǵan málimetterge sáıkes, bul preparattar adamnyń maı tinindegi qartaıýshi jasýshalarmen kúrese alady. Maıly tin kletkalary tyshqandarǵa da engizilgen, alaıda olarda metbolızmdik buzylystar týyndaǵan. Biraq olardy dezatınıb jáne kversıtınmen emdegennen keıinmaıly tinniń zıandy áseri joıylǵan.
Zertteýshiler sonymen qatar sıklınge táýeldi kınaza ıngıbıtory jáne jasýshalyq qartaıýdyń negizgi markerleriniń biri bolyp tabylatyn p21 joǵary deńgeıin bildiretin qartaıý jasýshalarynyń buryn zerttelmegen popýlásıasyn taldady. Qartaıý jasýshalaryn aıyna bir ret tazartý qant dıabetiniń damýyn báseńdetý úshin de, semiz tyshqandarda paıda bolǵan dıabet belgilerin jeńildetý úshin de tıimdi ekendigi anyqtaldy.