Ustalǵandar tarapynan azaptaýlarǵa qatysty shaǵymdar bolǵan joq.
Depýtat pen QHA ókili Almatydaǵy qamaýdaǵylardyń jaǵdaıymen tanysty, dep habarlaıdy Almaty-akshamy.kz Polisia.kz saıtyna silteme jasap.
21 aqpanda Almaty qalasy boıynsha qylmystyq-atqarý júıesiniń LA-155/18 mekemesine Qazaqstan Respýblıkasy Parlament Májilisiniń depýtaty Abılfas Hamedov, Qazaqstan Halyqtary Assambleıasy Almaty qalasy hatshylyǵynyń etnosaralyq qatynastardy damytý bóliminiń basshysy Nazar Balǵymbaev kelip, tutqyndardyń jaǵdaıymen tanysty.
Olar №3 posttyń №32 jáne №33 kamerasynda jatqan qamaýdaǵylarmen betpe-bet áńgimelesip, ustaý jáne tamaqtaný, sondaı-aq tutqyndardy tergeý jaǵdaıyn baqylady.
Tekserýdiń maqsaty – qańtar oqıǵasy boıynsha ustalǵan adamdardyń LA-155/18 mekemesindegi jaǵdaıyn kózben kórý, olarǵa kórsetilip jatqan medısınalyq-sanıtarlyq qyzmetterdiń sapasyn jáne tutqyndaǵylardyń quqyqtary men bostandyqtaryna qaıshy keletin azaptaý faktileriniń anyqtyǵyn tekserý, sonymen qatar kúdiktilerge zań aldyndaǵy jaýapkershilikterin túsindirý. Tekserý kezinde ustalǵandar tarapynan mekemeniń ustaý jaǵdaılaryna, onyń ishinde azaptaýlarǵa qatysty shaǵymdar bolǵan joq.
Tergeý ızolátoryna kelgen Májilis depýtaty A.Hamedov jáne QHA ókili N.Balǵymbaevpen Almaty qalasy boıynsha QAJ departamentiniń bastyǵy D.Qanatbekov jáne mekeme basshysy A.Jýmadıev, Almaty qalalyq prokýratýrasynyń basqarma bastyǵy A.Omarov birge júrip, tergeý ızolátoryndaǵy zańdylyqty saqtaý barysymen tanystyrdy.