Dáýren Abaev el týrızmine "3" degen baǵa qoıdy
Mádenıet jáne sport mınıstri Dáýren Abaev Qazaqstannyń týrızmine 5 baldyq shkalanyń 3 balyn berdi, dep habarlaıdy Almaty-akshamy.kz
Dáýren Abaev elimizdiń týrızm salasynda qandaı problemalar baryn aıtty.
Eń birinshi – ınfraqurylym. Mysaly, qazir osy jerden kez kelgen óńirge velosıpedten bara alatyn bolsaq, onda ol týrızmdi damyta alady. Iaǵnı ınfraqurylym men qyzmet kórsetý salasyn damytý qajet, - deıdi mınıstr.
Abaev atap ótkendeı, bizde bir týrısen bir jyldyq jalaqysyn alyp qalǵysy keletinder de bar. Oıynsha, bul týrızmdi damytpaıdy.
Biz tıimdi ınfraqurylym jasap, qyzmet kórsetýdi damytsaq, adamdar ol oryndarǵa bir ret emes, tipti 100 ret barady. Bul bıznestiń de tabysyn kóbeıtýge septigin tıgizedi, - dep esepteıdi Mádenıet jáne sport salasy basshysy.
Mınıstr Qazaqstannyń týrızmin 5 baldyq shkalamen baǵalady.
- Qazirgi ýaqytta elimizdiń týrızmine 5 baldan 3 bal berýge bolady dep oılaımyn. Óıtkeni qyzyq oryndar, barýǵa turarlyq, bir-birine múlde uqsamaıtyn jerler bar. Bizde taý men tas, orman men shól - bári bar. Sondyqtan 5 balǵa jetý úshin ınfraqurylym men servısti damytýymyz kerek, - dep túsindirdi ol.
Onyń aıtýynsha, elimizde kez kelgen týrıske demalýǵa múmkindik bar.
Aıta keteıik, búgin Mádenıet jáne sport mınıstrliginiń týrızm salasy boıynsha keńeıtilgen alqa otyrysy ótken bolatyn.
Otyrysqa Prezıdent Ákimshiligi, QR Parlamenti, Úkimet ókilderi, mınıstrliktiń qoǵamdyq keńesiniń músheleri, «Kazakh Tourism» Ulttyq Kompanıasy» AQ, oblystyq týrızm basqarmalarynyń basshylary, bıznes jáne týrısik qoǵamdastyq ókilderi qatysyp jatyr.