Qazaqstanda dári-dármek baǵasy bir jylda 13,6%-ǵa ósti.
Jyl basynan beri dári-dármek óndirisi 17 mlrd teńgege jetken. Onyń 15,7 mlrd teńgesi dári-dármekterge, 1,3 mlrd teńgesi basqa farmasevtıkalyq preparattarǵa tıesili, -dep habarlaıdy Almaty-akshamy.kz energyprom.kz portalyna silteme jasap.
Ótken jylǵy qańtarmen salystyrǵanda, dári-dármek óndirisi aqshalaı 61,3%-ǵa (jáne naqty mánde 57,3% - ǵa), basqa farmasevtıkalyq preparattar-22,9%-ǵa ósti (alaıda munda naqty ósim nebári 0,1%-dy quraǵan).
Jalpy, ótken jyly dári-dármek óndirisiniń kólemi 142 mlrd teńgeni qurasa, 2021 jylǵy qańtar–jeltoqsan aılarymen salystyrǵanda qundyq mánde 4,5%-ǵa az. Al basqa farmasevtıkalyq preparattar óndirisi birden 2,4 esege, ıaǵnı 17,9 mlrd teńgege deıin azaıǵan.
Antıbıotık sekildi farmasevtıkalyq preparattardyń osyndaı mańyzdy segmentinde otandyq kompanıalar suranysty (ishki naryqta satý jáne eksport) bıyl 18,4%-ǵa qamtamasyz etti. Atalǵan kórsetkish 2021 jyly 14,8%-dy quraǵan bolatyn. Sektordaǵy óndiris bir jyl ishinde bir jarym esege, 2022 jyldyń qańtar–jeltoqsanynda 14,1 tonnaǵa deıin joǵarylady.
Antıbıotıkterdiń ımporty birden 15,2%-ǵa, ıaǵnı 62,4 tonnaǵa deıin ósti. Al, antıbıotıkterdi satý ishki naryqta 20,4%-ǵa ósip, 76,5 tonnany qurady.
Provıtamınder, dárýmenderge keletin bolsaq, is júzinde bul naryq respýblıkada ımport esebinen tolyq jabylǵan. Otandyq farmasevtıkalyq kompanıalar 2022 jyly tek 0,1 tonna ónim óndirgen. Atalǵan kórsetkish 2021 jylmen birdeı jáne suranystyń 0,03% ǵana. Bul rette sektordaǵy ımport 307 tonna preparatty quraǵan. Osylaısha bir jarym esege artqan. Qazaqstannan shyǵarylǵan provıtamınder men dárýmenderdiń eksporty (bul jaǵdaıda–reeksport) bir jylda 2,7 esege qysqaryp, 2022 jylǵy qańtar-jeltoqsanda 3,8 tonnany jetken. Nátıjesinde, ishki naryqta satý kólemi bir jarym esege ósip, 303,3 tonnaǵa jetti.
Farmasevtıkalyq ónimniń baǵasy 2023 jyldyń aqpan aıynyń qorytyndysy boıynsha bir aıda 1,2%-ǵa ósti.
Ótken jyly farmasevtıkalyq ónim baǵasynyń eń eleýli aılyq ósýi naýryz jáne sáýir aılarynda (1,7%-ǵa), odan keıin qazan aıyna (1,6%-ǵa) sáıkes kelgen edi.
Jyldyq dınamıkada farmasevtıkalyq ónim 13,6%-ǵa qymbattady, bul - 2017 jyldyń qańtarynan bergi jyldyq ósimniń eń joǵary kórsetkishi.
Óńirlik bóliniste bıylǵy aqpan aıynyń qorytyndysy boıynsha farmasevtıkalyq ónimniń jyldyq qymbattaýy Almaty oblysynda 7,2%, Almatyda 21,2%-ǵa deıin ózgerdi. Mańǵystaý (18,3%-ǵa), Soltústik Qazaqstan (15,4%-ǵa) jáne Qyzylorda (15,3%-ǵa) oblystarynda da aıtarlyqtaı ósim baıqaldy.