Tizilimde 17 qazaqstandyq kompanıa bar
QR Aýyl sharýashylyǵy mınıstrligi málimdeýinshe, 15 naýryzdan bastap Eýrokomıssıa qazaqstandyq balyq kásiporyndaryn Eýropalyq Odaq (EO) elderine ónimin eksporttaý quqyǵyna ıe kompanıalardyń tizimine engizý rásimin qaıta bastaıdy, dep habarlaıdy Almaty-akshamy.kz
QR Aýyl sharýashylyǵy mınıstrligine Qazaqstannyń veterınarıalyq baqylaý júıesine degen senimdi qalpyna keltirý týraly tıisti hat joldandy.
Endi EO-ǵa balyq eksporttaý quqyǵyna ıe bolatyn otandyq kásiporyndar kóbeıedi. Tizim keńeıedi. Tizilimde 17 qazaqstandyq kompanıa bar.
"Sonymen qatar Eýrokomıssıa balǵa qatysty saýalnama joldady, ony keıin Eýropa naryǵyna shyǵarýǵa bolady", - dedi Aýyl sharýashylyǵy mınıstrligi.
Buǵan deıin Brússelde Aýyl sharýashylyǵy mınıstri Erbol Qarashúkeev Eýropa komısarlarymen kezdesti. Ol Qazaqstannyń joǵary sapaly organıkalyq azyq-túlik jetkizýshisi bola alatyny týraly aıtty. Áńgime EO elderine otandyq et, sút, qus jáne balyq ónimderin eksporttaý týraly boldy.
9 naýryzda Qazaqstan balyqtyń jekelegen túrlerin eksporttaýǵa tyıym salýdy josparlap otyrǵany belgili boldy.