Darhan Satybaldy Jetisý aýdanyndaǵy jolaıryqty keshiktirmeı paıdalanýǵa berýdi mindettedi, - dep habarlaıdy aqshamnews.kz.
Almaty qalasynyń ákimi Darhan Satybaldy jumys saparymen Jetisý aýdanyn aralady. İssapar "Saıahat" yqshamaýdanyndaǵy emhananyń ǵımaratyn aralaýdan bastaldy. Bul nysanda kúrdeli jóndeý jumystary júrgizilgen bolatyn.
Keıin qala basshysy Jansúgirov kóshesi men Seıfýllın dańǵylynyń qıylysynda salynyp jatqan jolaıryqtyń qurylys barysymen tanysty. Qazirgi tańda nysannyń 95%-y daıyn. Tonnelder, gıdrooqshaýlaý, asfálttaý men temirbeton qurylymdary tolyq aıaqtalyp, tonnel arqyly kólik qozǵalysy ashylǵan. Nysandy paıdalanýǵa berý 2025 jylǵy maýsymǵa josparlanǵan bolatyn.
Sonymen qatar aýdan ákimdigi aýmaqty abattandyrý jumystaryn júrgizýde: brýschatka tóselip, qorshaýlar ornatylýda, shaǵyn sáýlet nysandary, jaryqtandyrý elementteri men beınebaqylaý júıeleri qoıylady. Aǵash otyrǵyzylyp, qoǵamdyq keńistik jasaqtalady.
İssapardaǵy kelesi nysan "Gúlder" saıabaǵy boldy. Bul jerde "Halyq qatysatyn búdjet" baǵdarlamasy aıasynda aǵymdaǵy jóndeý jumystary júrgizilýde. Kópjyldyq jáne merzimdik gúlder otyrǵyzylyp, avtomatty sýarý júıesi ornatylǵan, qorshaý jóndelip, uńǵymalar qazylǵan. Aldaǵy ýaqytta gúl arkalary men lavanda alqabyn jasaý, sándik toǵandar salý, gazon egý, jaryqtandyrý men beınebaqylaý ornatý josparlanǵan.
"Jasyl aımaqtardy abattandyrýǵa keshendi túrde qarap, otyrǵyzylǵan aǵashtar, butalar men gúl kompozısıalaryn kútip-baptaý úshin sapaly avtomatty sýarýdy qamtamasyz etý qajet", – dep tapsyrdy Darhan Satybaldy.
Sapar barysynda qala ákimi "Qulager" yqshamaýdanyndaǵy aýla aýmaqtarynyń aǵymdaǵy jóndeý jumystarymen de tanysty. Bul yqshamaýdanda 86 kópqabatty turǵyn úı men 32 aýla bar, olardyń 28-i bıyl jóndeledi. Jóndeý jumystaryn 2025 jylǵy qyrkúıek aıynyń sońyna deıin aıaqtaý josparlanǵan.
Jumys saparynyń sońǵy nysany Omarov kóshesi boldy. Munda uzyndyǵy 900 metrden asatyn káriz jelileri tartylyp, 41 qudyq ornatylǵan. Asfált jabyndysyn 2025 jylǵy maýsym aıynyń sońyna deıin qalpyna keltirý josparlanýda. Jalpy joba boıynsha jumystar 30%-ǵa oryndaldy: 15 kóshede ınjenerlik jeliler engizilgen, alaıda, jumys qarqyny jetkiliksiz. Qala ákimi jobany júzege asyrýdy jedeldetý qajettigine nazar aýdardy.
Sapar qorytyndysy boıynsha, Darhan Satybaldy jolaıryq pen oǵan irgeles aýmaqtardy abattandyrýdy belgilengen merzimde aıaqtaýdy, ınjenerlik jelilerdi tartý jumysyn jedeldetýdi jáne aýdan turǵyndary úshin aýla jóndeý jumystaryn sapaly júrgizýdi tapsyrdy.