Almaty ákimi Darhan Satybaldy qala turǵyndary men qonaqtaryn Ata zań kúnimen quttyqtady, dep habarlaıdy aqshamnews.kz.
"Sizderdi Qazaqstan Respýblıkasynyń Konstıtýsıasy kúnimen shyn júrekten quttyqtaımyn!
Bul mereıli mereke – memleketimizdiń táýelsizdigi, erkindigi men tańdaý quqyǵy syndy basty qundylyqtardy aıshyqtaıdy.
Konstıtýsıa árbir azamattyń sóz bostandyǵy men oı erkindiginiń kepili bola otyryp, elimizdiń bolashaǵyn birge qurý úshin saılaýǵa qatysý quqyǵyn beredi.
Almaty – táýelsizdigimizdiń altyn besigi, Qazaqstannyń irgetasy alǵash qalanǵan qala. Ol óziniń zeńgir kók aspanynda erkindiktiń kók týyn tuńǵysh jelbiretken shahar.
Barshańyzǵa amandyq, baq-bereke tileımin. Elimizde birlik pen yntymaq artyp, Qazaqstanymyzdyń eńsesi bıik, irgesi berik bolsyn!
Mereke qutty bolsyn!", - dedi qala basshysy quttyqtaýynda.
Eske sala keteıik, buǵan deıin Memleket basshysynyń qazaqstandyqtardy Konstıtýsıa kúnimen quttyqtaǵanyn habarlaǵan edik.
