2025 jyldyń bírínshí jartysynda ońtústík astanada 19 myńnan astam bala tuylǵan.
Júktí áıelderdí bosandyruǵa ketken 5,4 mlrd teńge tolyǵymen Medıtsınalyq saqtandyru qory tarapynan tólendí.
Qordyń Almaty qalalyq fılıaly málímetínshe, bosandyruǵa ketetín shyǵyndar tolyǵymen MÁMS qarajaty esebínen jabylady. Al, bosanu baǵasy onyń kúrdelílík deńgeıí men bosandyru ádísíne baılanysty ózgeríp otyrady. Mysaly, áıel óz betínshe, asqynusyz bosansa tarıfıkator boıynsha 100 myń teńge, kesar tílígímen bosanǵan jaǵdaıda 1,3 mln teńgege deıín tólenuí múmkín.
Búgíngí tańda Almaty qalasynda 6 perzenthana jūmys ísteıdí. Olardyń bárí de qalypty jáne kúrdelí júktílíkpen kelgen áıelderdí bosandyruǵa, sondaı-aq kesar otasyn jasauǵa mamandanǵan. Júktí áıelder MÁMS júıesínde būdan basqa mynadaı kómek túrlerín paıdalana alady:
* Pregravıdtí dayarlyq — júktílíktí aldyn-ala josparlau, áıeldí bala kótergenge deıín tekseríp, emdep, túrlí dert saldarynan júktílík kezínde bolatyn asqynulardyń aldyn alu. 2025 jyly būl baǵdarlamaǵa Qor tarapynan 673 mln teńge qarastyrylǵan.
* Antenataldy baqylau — júktílík kezínde akusher-gınekologtyń tūraqty baqylauynda bolu, josparly analızderdí tapsyru, ultradybystyq zertteuden, skrınıngterden ótu, salalyq mamandar kómegíne júgínu t.b. qyzmetter bar. Būǵan Qor 3,8 mlrd teńge bóldí.
* Bosandyru – qalypty bosandyru, kesar tílígímen ota jasau, dárí-dármektermen jáne qosalqy materıaldarmen qamtamasyz etu. Oǵan – 12 mlrd teńge qarastyrylǵan.
* Bosanǵannan keıíngí baqylau — alǵashqy kúnderí ana men balaǵa kómek.
* Neonataldyq kómek — jas nárestelerdí kútu, asqynular bolǵan jaǵdaıda ıntensıvtí terapıya jasau.
Qazaqstanda jūmys ísteıtín júktí áıelderge MÁMS úshín jarnany jūmys berushí, jūmys ístemeıtínder úshín memleket tóleıdí. Bala dúnıege kelgen sátten bastap 18 jasqa deıín memleket tarapynan saqtandyrylady.
«Bízdíń elímízde barlyq áıel saqtandyrylǵan. Olardyń árqaısysy tegín bosanuǵa haqyly. Bosandyruǵa ketetín shyǵyn qansha bolsa da MÁMS esebínen tólenedí», — dep atap óttí Almaty fılıaly dırektorv Ílıyas Mūhamedjan.