Otandyq tanymal jýrnalıs ári telejúrgizýshi Dana Nurjigit Olımpıadaǵa ketken sportshylar men bapkerlerge qatysty oıyn aıtty. BAQ ókili olardyń jarys jolynda jeńilip qalǵany úshin keshirim suraýyna túbegeıli qarsy ekenin jetkizdi, dep jazady aqshamnews.kz.
Dana Nurjigit Olımpıadaǵa qatysqan sportshylar men bapkerlerdiń jeńilisi úshin keshirim suraýyna qarsy ekenin aıtty. Jýrnalıs bul áreketti popýlızm dep sanap, sportshylardyń jigerin qulatýǵa ákeletinin atap ótti. Nurjigittiń pikirinshe, qatelikterdi iskerlik ortada talqylaý qajet, al keshirim suratý azamattardy tuqyrtý bolyp tabylady. Dana Nurjigit Instagram-daǵy paraqshasynda sportshylar men bapkerlerge keshirim suratýdy qoıý kerek dep úndeý jasady.
"Syrtta júrip, qoldan kelgenshe eńbek etken azamattardyń úlken basyn kishireıtip, keshirim suratýdy qoıý kerek. Bul - popýlızm. Elge oralǵanda ketken qateni iskerlik ortada saýatty talqylaý degen bolady. Mynaý óz azamattarymyzdy tuqyrtý, jigerin qum qylý! Mundaıǵa qarsymyn", - dep jazdy jýrnalıs.
Aıta keteıik, buǵan deıin bokstan Qazaqstan quramasynyń bas bapkeri Myrzaǵalı Aıtjanov Olımpıadadaǵy boks nátıjesi úshin halyqtan keshirim suraǵan bolatyn.