Memleket basshysy Qasym-Jomart Toqaev Prezıdent jáne Prezıdent Ákimshiliginiń, Parlament pen Úkimeti jumysynyń reglamentin bekitý týraly ókimge qol qoıdy, dep habarlaıdy aqshamnews.kz.
Ókimde jumys aptasynyń ár kúninde qaı organnyń qandaı shara ótkizetini aıqyndalǵan.
Dúısenbi – Prezıdentke tikeleı baǵynatyn jáne esep beretin memlekettik organdar basshylarynyń oǵan esep berýi, Úkimettiń selektorlyq keńes otyrystary, Prezıdent Ákimshiliginde, Úkimette, ortalyq memlekettik jáne jergilikti atqarýshy organdarda ótetin jedel keńester.
Seısenbi – Úkimet otyrysy, Prezıdenttiń Parlamenti palatalarynyń spıkerleri men depýtattaryn qabyldaýy.
Sársenbi – Prezıdenttiń Úkimet múshelerin qabyldaýy, Prezıdent Ákimshiliginde, Úkimette, ortalyq memlekettik organdarda jergilikti atqarýshy organdardyń basshylarymen júrgiziletin jumys.
Beısenbi – Prezıdenttiń óńirlerge jumys saparlary, Úkimet janyndaǵy konsýltatıvtik-keńesshi organdardyń otyrystary.
Juma – Prezıdenttiń óńirlerdiń ákimderimen telefon arqyly kelissózderi, Premer-Mınıstrdiń Prezıdentke baıandama jasaýy, mınıstrlikter men vedomstvolarda ótetin keńester
«Parlament Májilisiniń otyrysy - sársenbi kúni, Parlament Senatynyń otyrysy - beısenbi kúni (olardyń jumys reglamentterine sáıkes) ótedi.Qaýipsizdik Keńesiniń otyrystary men jedel keńesteri Qazaqstan Respýblıkasy Qaýipsizdik Keńesi Tóraǵasynyń sheshimi boıynsha kez kelgen kúni jáne táýliktiń kez kelgen ýaqytynda ótkizilýi múmkin», - dep jazylǵan ókimniń eskertpesinde.