Sáýle Omarovanyń kandıdatýrasyn AQSH prezıdenti Djo Baıden usynǵan
Qazaqstan týmasy Sáýle Omarova AQSH Qarjy mınıstrliginiń Bank retteýshisi basqarmasynyń basshysy laýazymynan bas tartty. Bul týraly Aq úı ókilderi seısenbide málim etti, dep habarlaıdy Almaty-akshamy.kz
Buǵan deıin onyń kandıdatýrasyn AQSH prezıdenti Djo Baıden usynǵan bolatyn. Alaıda Senattaǵy tyńdaý kezinde Omarova synǵa ushyrady. Omarova ótken ómiri úshin aqtalýǵa májbúr boldy. Ol komýnıs emes ekenin jáne onyń otbasy músheleri komýnızmnen zardap shekkenin aıtty.
"Men Sáýle Omarovanyń Bank retteýshisi basqarmasynyń basshysy laýazymyna kandıdatýrasyn qaıtaryp alý týraly ótinishin qabyldadym", - delingen Baıdenniń málimdemesinde.
Sáýle Omarova 1966 jyly Oral qalasynda dúnıege kelgen. Máskeý memlekettik ýnıversıtetin, Vıskonsın ýnıversıtetin jáne Soltústik-Batys ýnıversıtetin bitirgen. Zańtaný doktory dárejesi bar. Qazaq, orys jáne aǵylshyn tilderin meńgergen.