QR Prezıdenti Qasym-Jomart Toqaev «Jurtqa jaqyn polısıa» atty Joldaýynda polısıanyń atqaratyn qyzmeti men rólin aıqyndap berdi. Osyǵan baılanysty saýalnama júrgizgen bolatynbyz, dep habarlady Almaty-akshamy.kz.
Erkinbek Myrzaǵalıev,
qala turǵyny:
– Almatyda turǵanyma 30 jyldan asty. Biz 1991 bylaı qaraıǵy toqyraýdy bastan ótkerdik. Zań, zakon joq qıyn kezder edi. Joq degenim – áli qalypqa túse qoımaǵan ýaqytty aıtqanym ǵoı. Eshkim eshkimdi elemedi. Jumys toqtap, bazar jaǵaladyq. Ol zamanda nebir kisiler bolatyn. Qazir qalypqa túsýdemiz. Burynǵydaı emes. Bári jaqsy jaǵynnan ózgerýde. Tilerim - tynyshtyǵymyz buzylmasyn!
Gúlden HALYQ,
belsendi:
– Ótkende qalada jantúrshigerlik oqıǵa boldy. Ábden degbirimiz qashty. Áleýmettik jelide jarysa jazdy. Qyz balanyń ondaı jaǵdaıǵa ushyraýy jaǵa ustaty. Kóp ótpeı, qaskóıdi tapty. Sonda polısıaǵa kóńilim toldy. Bylaı qarasańyz, synaýǵa daıynbyz. Baýyrjan Momyshuly atamyz: «Syna, biraq shyn syna» depti. Osy bir naqylyn únemi jadyma serik etemin.
Nurbek AZAMATULY,
stýdent:
– Osy mereke men úshin asa qasterli. Bala kúnimnen jaqsy kórem. Ákem - otstavkadaǵy polısıa polkovnıgi. Jasymnan soǵan uqsaýdy kózdedim. Ásirese, formasy adamǵa erekshe rýh beredi. Ózińdi naǵyz er-azamat sıaqty tárbıeleısiz. Oqýǵa túspesten buryn 1 jyl áskerı boryshymdy ótedim. Áskerı sambodan jetistikterim de bar. Bıyl 3 kýrsty támamdadym. Buıyrsa, tártip saqshysy bolamyn. Armanymdy iske asyrýǵa asyqpyn. Mereke qutty bolsyn!
Dana NURHANQYZY,
kınotanýshy:
– Sheteldiń ekshn janrynda polısıany keremet sýretteıdi. Iaǵnı, iri deneli, boıshań, keń ıyqty, ábden jattyqqan. Adamdardy terrorlyq, qastyq áreketterden qutqarady. Bul - tunyp turǵan ıdeologıa. Osy turǵydan kelgende, Amerıka men Reseı kınokartınalary myqty. Bizdiń elimizde de olardyń ımıjin kóterý kerek. Quzyrly organ qyzmetkerleri jasaı bersin! Meıramdaryńyzben!
Jahanda polısıasynyń aıbyny boıynsha AQSH, UlyBrıtanıa, Sıngapýr syndy elder kósh bastap tur. Dálirek aıtsaq, servıstik, týrısik, jedel polısıa uǵymdary damyǵan. Qazaqstan Respýblıkasy 1992 jyly óziniń polısıasyn qurdy. Mine, sodan beri halyqqa qyzmet etýde. Beıbit kúnniń qorýshylaryna aınaldy.
23 maýsym – tól merekelerińizben quttyqtaımyz!
Oljas JOLDYBAI