Almatylyq "Qaırat" fýtbol klýby Chempıondar Lıgasynyń jalpy kezeńine joldama alyp, álemdik arenadaǵy úzdik klýbtarmen teketirespek. Qazaqstandyqtardy dúr silkindirgen tarıhı oqıǵa jurttyn janaryp jaýlap, el nazaryn ózine burdy. Jaqynda almatylyq fýtbol klýbynyń qarsylastary anyqtalyp, mach kúnderi jarıalanǵan edi. "Qaırattyń" qarsylastary jaıly ne belgili? Aqshamnews.kz tilshisi anyqtady.
"Qaırat" FK kimmen oınaıdy?
28 tamyzda Monakoda ÝEFA Chempıondar lıgasynyń toptyq kezeńine jerebe tartý rásimi ótti. Nátıjesinde almatylyq "Qaırattyń" qarsylastary anyqtaldy. Bizdiń klýb óz alańynda "Real Madrıd", "Brúgge", "Olımpıakos" jáne "Pafosty" qarsy alsa, syrt alańda "Inter", "Arsenal", "Sportıng" jáne "Kopengagenge" qonaqqa barady.
30 tamyzda machtardyń tolyq kestesi jarıalandy:
-
19 qyrkúıek, 00:00 — "Sportıng" – "Qaırat"
-
30 qyrkúıek, 21:45 — "Qaırat" – "Real"
-
21 qazan, 21:45 — "Qaırat" – "Pafos"
-
6 qarasha, 01:00 — "Inter" – "Qaırat"
-
26 qarasha, 22:45 — "Kopengagen" – "Qaırat"
-
9 jeltoqsan, 20:30 — "Qaırat" – "Olımpıakos"
-
20 qańtar, 20:30 — "Qaırat" – "Brúgge"
-
29 qańtar, 01:00 — "Arsenal" – "Qaırat"
Jankúıerler keste jarıalanǵannan keıin "Qaırat" pen "Real Madrıd" arasyndaǵy oıyndy taǵatsyzdana kútip otyr. Áıgili ıspandyq klýb Almatyǵa keledi.
Qarsylas klýbtardyń stadıondary qandaı?
Real Madrid — Estadio Santiago Bernabéu (Madrıd, Ispanıa)
-
túri: fýtbol stadıony, jabylmaly tóbesi bar.
-
syıymdylyǵy: shamamen 83 186 oryn (2024 jylǵy rekonstrýksıadan keıin).
-
quny: shamamen €1,3–1,8 mlrd jumsalǵan.
Bul klýb 1902 jyly qurylǵan. Chempıondar lıgasynyń 15 dúrkin jeńimpazy. Álemdik fýtbol ańyzdary – Dı Stefano, Zıdan, Krıshtıaný Ronaldý osy klýbta oınaǵan. Qazirgi juldyzdary qatarynda Vınısıýs Jýnıor men Djýd Bellıngem bar.
Club Brugge — Jan Breydel Stadium (Brúgge, Belgıa)
-
túri: kópmaqsatty stadıon
-
syıymdylyǵy: 29 042 oryn
Club Brugge – 1891 jyly qurylǵan. Belgıanyń 19 dúrkin chempıony. Chempıondar lıgasyn jeńbese de, birneshe márte fınalǵa jetken.
Olympiacos — Georgios Karaiskakis Stadium (Pıreı, Gresıa)
-
túri: fýtbol stadıony.
-
syıymdylyǵy: shamamen 33 334–33 449 oryn
-
quny: 2004 jylǵy qaıta qurý jumystaryna €60 mln jumsalǵan
1925 jyly qurylǵan Olympiacos 47 márte chempıon atanǵan Grekıadaǵy eń tıtýldy klýb. Chempıondar lıgasyn utpaǵan, biraq toptyq kezeńniń turaqty qatysýshysy.
Pafos FC — Stelios Kyriakides Stadium (Pafos, Kıpr)
-
túri: kópmaqsatty, ishinde júgirý joldary bar
-
syıymdylyǵy: shamamen 8 500–9 394 oryn.
Pafos FC – 2014 jyly qurylǵan jas klýb. Ázirge halyqaralyq jetistigi joq, biraq Kıpr fýtbolynda damyp kele jatqan komandalardyń biri.
Inter Milan — San Siro (Mılan, Italıa)
-
túri: Italıadaǵy eń úlken fýtbol arenalarynyń biri.
-
syıymdylyǵy: 75 817 oryn
-
quny: jańa stadıon jobasy €1,25 mlrd bolýy múmkin; al stadıonnyń jeri €197 mln baǵalanǵan
Inter Milan - 1908 jyly qurylyp, Chempıondar lıgasyn úsh ret jeńip alǵan. Keıingi ret 2010 jyly jeńdi. Jańa býyn juldyzdary men tarıhı oıynshylary: Djýzeppe Meassa, Haver Dzanettı.
Arsenal — Emirates Stadium (London, Anglıa)
-
túri: fýtbol stadıony.
-
syıymdylyǵy: 60 704 oryn.
-
quny: keńeıtý jobasy £500 mln-nan joǵary bolýy múmkin
Áıgili aǵylshyn klýby 1886 jyly quryldy. Anglıanyń 13 dúrkin chempıony atanǵan Arsenal áli kúnge deıin Chempıondar lıgasynyń basty trofeıin áli ıelenbedi. Terrı Anrı, Dennıs Bergkamp sekildi ańyzdar osy klýbtan shyqqan.
Sporting CP — Estádio José Alvalade (Lıssabon, Portýgalıa)
-
túri: fýtbol stadıony.
-
syıymdylyǵy: bastapqyda 50 095 oryn, sońǵy rekonstrýksıadan keıin 52 095 oryn.
-
quny: 2003 jyly shamamen £150 mln jumsalǵan
Al Sporting CP el chempıony ataǵyn 19 márte ıelengen klýb. Álemdik juldyz Krıshtıaný Ronaldý fýtboldaǵy alǵashqy qadamyn osy klýbtan bastaǵan.
FC Copenhagen — Parken Stadium (Kopengagen, Danıa)
-
túri: fýtbol stadıony, jabylmaly tóbesi bar.
-
syıymdylyǵy: fýtbolǵa 38 065–38 190 oryn, konsertterge deıin 55 000 orynǵa deıin keńeıedi.
-
quny: rekonstrýksıa 640 mln DKK, al 1998 jyly klýbqa 138 mln DKK-ǵa satylǵan
FC Copenhagen – 1992 jyly qurylǵan. Danıanyń eń tabysty klýby, el chempıony ataǵyn 15 ret ıelengen. Chempıondar lıgasynda birneshe márte pleı-off kezeńine shyqqan.
"Qaırat" - "Real" machynan ne kútemiz?
30 qyrkúıekte Almatynyń Ortalyq stadıonynda "Qaırat" Chempıondar lıgasynyń toptyq kezeńinde Eýropanyń eń ataqty klýby – madrıdtik "Realdy" qabyldaıdy. Qazaqstannyń týrızm jáne sport mınıstri Erbol Myrzabosynovtyń aıtýynsha, qala mundaı aýqymdy sharaǵa daıyn: ınfraqurylym talaptarǵa saı, al machqa 4–5 myń týrısiń kelýi kútilip otyr. Mınıstrdiń sózinshe, mundaı oqıǵalar elimizdiń ımıjin kóterip, fýtboldyń ári qaraı damýyna serpin beredi.
Degenmen, bıletter tóńireginde qyzý talqylaý júrip jatyr. Áli satylymǵa shyqpaǵanyna qaramastan, jankúıerler oryn jetpeı qalady dep alańdap otyr. Belsendi fanattar alypsatarlardyń aldyn alý úshin petısıa jarıalap, bir JSN-ge eki bıletten ǵana satý, qaıta satyp alýdy shekteý sıaqty talaptar qoıǵan. Qazirdiń ózinde qujatqa 400-den astam adam qol qoıǵan.
Ispandyq jýrnalıs Davıd Rýıstiń málimetinshe, "Real Madrıd" Almatyǵa negizgi quramymen keledi. Sondyqtan jankúıerler asyǵa kútken bul kezdesý naǵyz tarıhı oqıǵaǵa aınalatyny anyq.