Almatyda qala kúníne oraı «Áleumettík jobalar – ortaq ıgílík úshín» atty kezdesu óttí. «Men – Almatylyqpyn» jobasy ayasynda ótken kezdesuge Qoǵamdyq damu basqarmasyna qarasty Qoǵamdyq damu ortalyǵy bastamashylyq ettí, dep habarlaıdy Aqshamnews.kz.
Kezdesudíń maqsaty – áleumettík jobalardyń mańyzyn keńínen nasıhattau, azamattyq bastamalardy qoldau tetíkterín talqylau jáne qoǵam ıgílígí jolynda ortaq ís-qımylǵa yntalandyru. Ís-sharanyń basty qonaǵy – Qazaqstannyń qoǵam qaıratkerí, memlekttík qyzmetker, áleumettík jobalar men azamattyq bastamalardy qoldauǵa eleulí úles qosqan Qaıyrjan Sayasatūly boldy.
Kezdesu barysynda áleumettík jobalardyń qoǵamdaǵy rólí, azamattyq belsendílíktí arttyru joldary jáne áleumettík jauapkershílík máselelerí talqylandy. Jıynǵa jastar, belsendí azamattar jáne qoǵamdyq ūıymdardyń ókílderí qatysty.
"Almaty Azamattyq alyansynyń" tóraǵasy, QBTU bıznes-mektebíníń professory, Almaty qalalyq qoǵamdyq keńesíníń múshesí Qaıyrjan Ábdíhalyq bylaı dedí:
"Joba negízínen Almaty qalasy boıynsha ótkízílíp jatyr. Bolashaq jastarǵa qajet bolatyn tájírıbemdí jetkízíp, megaplolısten bólek ózge de qala tūrǵyndaryna áleumettík jobalardyń tıímdí ekenín aıtqym keledí. «Almaty Azamattyq alyansy» retínde bíz úkímettík keńes ūıymdarynyń assotsıatsıyasymyz. Búgíngí jıynda elímízdíń basqa da qalalaryndaǵy máselelerdí sheshude atalǵan áleumettík jobalardyń atqaratyn rólíne aıryqsha toqtalamyz. Maqsatymyz – otbasylarǵa, áıelder men balalarǵa, jastarǵa, azamattar men azamatshalarǵa qūqyqtyq konsultatsıya beru. Búgínde tūraqty damu maqsattaryna baǵyttalǵan áleumettík bastamalar júzege asyryluda. Sońǵy 3 jylda áleumettík jobalardan habar beretín derekter bazasyn qūryp, Power BI negízínde 19 dashport jarıyaladyq" deıdí ol.