Massachýsets tehnologıa ınstıtýtynyń neırobıologtary jasandy ıntellektiniń shyǵarmashylyq pen mıǵa áserin zerttedi, dep habarlaıdy aqshamnews.kz
Ǵalymdar 18-39 jas aralyǵyndaǵy 54 adam qatysqan tájirıbe júrgizdi.
Olar 3 topqa bólindi:
1. ChatGPT-di qoldandy.
2. Aqparatty Google-dan izdedi.
3. Óz mıymen jumys istedi.
Qatysýshylar birneshe taqyrypqa esse jazdy. Tapsyrmany oryndaý kezinde olardyń mı belsendiligin EEG(elektroensefalografıa) kómegimen ólshep, baqylap otyrdy.
Sonymen:
ChatGPT-di paıdalanǵan toptyń kognıtıv belsendiligi tómen boldy. Nazar salý, aqparatty óńdeý, shyǵarmashylyqpen jumys isteý deńgeıi nashar.
Úshinshi esseni jazǵanda olar kóshire bastady, JI bergen mátindi ózgertip bere saldy. Esseleri birkelki, qurǵaq bolyp shyqty. Qatysýshylar ózi ázirlegen mátindi este saqtaı almady.
Google-di paıdalanǵan top shyǵarmashylyq izdenis jasap, biraz jaqsy kórsetkishke jetti.
Al eshbir tehnologıanyń kómeginsiz jumys istegen úshinshi toptaǵy adamdardyń mıy belsendi bolǵany anyqtaldy. Olar jazǵan mátin de erekshe, tartymdy, orıgınal bolyp shyqty.
Zertteýshiler ásirese mıy endi damyp kele jatqan jastardyń ChatGPT-ge kóp júginýi olardyń oılaý qabileti úshin qaýipti degen túıinge keldi.
JI-ge tym táýeldilik neıron baılanysyn álsiretedi, jadyny nasharlatady, synı oılaýǵa kedergi bolady deıdi neırobıologtar.