Bul týraly QR Oqý-aǵartý vıse-mınıstri Edil Ospan Ortalyq komýnıkasıalar qyzmetinde ótken brıfıńte málimdedi. Munda elimizde balalar quqyqtaryn qorǵaý júıesin nyǵaıtý máseleleri talqylandy, dep habarlaıdy
QR Oqý-aǵartý vıse-mınıstri Edil Ospan Qazaqstannyń balalar quqyqtaryn qorǵaý boıynsha halyqaralyq standarttarǵa beıildiligin rastaıtynyn atap ótti. 2023 jyldyń jeltoqsanynda Bala quqyqtary týraly konvensıanyń habarlaý rásimine qatysty Fakúltatıvtik hattamasy ratıfıkasıalandy. Bul qujat balalardyń quqyqtary buzylǵan jaǵdaıda halyqaralyq deńgeıde shaǵym túsirýge múmkindik beredi.
«Bıylǵy jyldyń qańtar aıynda BUU-ǵa múshe memleketter Qazaqstannyń adam quqyqtary men bostandyqtaryn nyǵaıtýǵa, sondaı-aq balalardyń quqyqtaryn qorǵaýǵa baǵyttalǵan reformalaryn biraýyzdan joǵary baǵalady. Bul reformalar qoǵamnyń eń osal toptaryn qorǵaýdy qamtamasyz etetin uzaq merzimdi strategıalardy iske asyrý jolyndaǵy mańyzdy qadam boldy. Memleket basshysynyń tapsyrmasy boıynsha elimizde balalardyń quqyqtaryn halyqaralyq standarttarǵa saı jan-jaqty ári tıimdi qorǵaýǵa baǵyttalǵan aýqymdy zańnamalyq jáne strategıalyq sharalar engizilýde», – dep atap ótti Edil Ospan.
2024 jyly Qazaqstanda balalardy qorǵaýdy kúsheıtýge baǵyttalǵan alty negizgi zań qabyldandy. Jańa zańdarǵa sáıkes, balalarǵa qatysty kez kelgen zorlyq-zombylyq túrlerine jaýapkershilik kúsheıtildi. Sonymen qatar, qoǵamdyq kólikten balalardy májbúrli túrde túsirýge tyıym salynyp, ol úshin ákimshilik jaýapkershilik engizildi. Qurylys kompanıalaryna terezelerge qaýipsizdik mehanızmderin ornatý talaby zańnamalyq túrde bekitildi. Bul balalardyń jazataıym oqıǵalardan qorǵalýyna yqpal etedi. Sonymen birge, balalar saýdasynyń aldyn alý sharalary kúsheıtildi. Balalar quqyqtary jónindegi ýákil ınstıtýtynyń mártebesi arttyrylyp, olar eldiń barlyq óńirlerinde jumys jasaı bastady. Bul balalardyń quqyqtaryn qorǵaý mehanızmderin aıtarlyqtaı nyǵaıtty. Qamqorshylyq jáne qorǵanshylyq organdarynyń kadrlyq áleýetin arttyrý úshin jańa normatıv engizildi: endi árbir 5000 balaǵa keminde bir maman bekitilýi qajet. Bul jańashyldyq bir jyldyń ishinde mamandar sanyn 300-ge arttyrýǵa múmkindik berdi, nátıjesinde balalardyń quqyqtaryn qorǵaý deńgeıi aıtarlyqtaı jaqsardy.
Sonymen qatar, jetim balalardy qoldaý maqsatynda tálimgerlik ınstıtýty engizildi. Osy bastama aıasynda 2024 jyly 330 bala jeke tálimgerlik qoldaýǵa ıe bolyp, olardyń qoǵamǵa áleýmettik beıimdelýine jáne psıhologıalyq qoldaý alýyna múmkindik jasaldy.