Búkil ult bolyp uıysyp, eldigimizdiń synalar synynan óttik. Bul referendým birligi bekem, elin súıetin otanshyl halyq ekenimizdi kórsetti. Endigi maqsat – eńseli el bolý.
Prezıdent Qasym-Jomart Toqaev referendým qorytyndysy boıynsha Qazaqstan halqyna úndeý jasady. Úndeýde reformalardyń negizgi maqsatyn atap, el taǵdyry árbir azamattyń qolynda turǵanyn jetkizdi.
Halyq ta «Jańa Qazaqstan» qurý jolyndaǵy el damýynyń jańa kezeńge aıaq basqanyn sezinip, referendýmǵa keldi. Sáıkesinshe, halyqtyń janyn jegideı jegen problemalardy tereń zerdeleı otyryp, memlekettiń durys jolmen damýynyń alǵysharttaryn kórsetip bergen Qasym-Jomart Toqaev elde oryn alǵan olqylyqtardyń bárin jedel saýyqtyryp, túbegeıli reformalar jasaýǵa daıyn ekendigin dáleldeı aldy.
Endi jurttyń sanasyna silkinis ákelgen «Jańa Qazaqstan» jalań uran bolmaýǵa tıis!
Alda elimizdiń zańnamasyna ózgerister enip, sanaly túrde ár isti saraptaı alsaq halyqty eshkim qurǵaq sózben aldaı da, arbaı da almaıdy.