Muzdatqysh sılındri artyndaǵy rezeńke tósemsheniń zaýyttyq aqaýyna baılanysty 500 g amıak syrtqa tógilgen.
«Shın-Laın» kompanıasy 7 maýsymda óndiris ornynda bolǵan oqys oqıǵaǵa qatysty túsinik berdi, dep habarlaıdy Almaty-akshamy.kz.
Kompanıanyń baspasóz qyzmetinen habarlaǵandaı, aldyn ala qorytyndy boıynsha muzdatqysh sılındri artyndaǵy rezeńke tósemsheniń zaýyttyq aqaýyna baılanysty 500 g amıak syrtqa tógilgen. Dereý oqıǵa ornyna qadaǵalaý qyzmetteri men ekologıalyq saraptama júrgizýshi mamandar shaqyrylǵan.
«Qazirgi ýaqytta anyqtalǵan tehnıkalyq aqaý tolyǵymen joıyldy. Jabdyq 1 maýsymda ǵana tekserilip, kýálandyrýdan ótken edi. Aqaýdyń shyǵý sebebi túpkilikti anyqtalǵan soń, kompanıa resmı jetkizýshilerge habarlasady. Bizdegi jabdyqtar men olardyń qosalqy bólshekteri resmı jetkizýshilerden satyp alynǵan jáne qajetti sáıkestik sertıfıkattary bar», - delinedi kompanıanyń habarlamasynda.
Sondaı-aq kompanıa kásiporynǵa tekserý júrgizetin qadaǵalaý organdaryna jan-jaqty kómek kórsetetinin málim etti.
«Qadaǵalaý organdary tıisti qorytyndy shyǵarady. Barlyq qosymsha aqparat memlekettik organdardyń resmı qorytyndysyn alǵan soń habarlanady. Aıta keteıik, oqıǵa bolǵan kúngi aýysymda óndirilgen ónimder satylymǵa shyqqan joq»,- dep habarlady kompanıa.
Eske salaıyq, Almatydaǵy «Shın-Laın» kompanıasynyń sehynda tógilgen amıaktan bes adam ýlanyp, aýrýhanaǵa túsken edi.