Bul týraly ASHM saıtynda jarıalandy.
Qazirgi ýaqytta kórshiles elder tarapynan qazaqstandyq kartopqa joǵary suranys saqtalýda, dep habarlaıdy aqshamnews.kz.
2024 jyldyń qorytyndysy boıynsha 605 myń tonnaǵa jýyq kartop eksporttalǵan, bul 2023 jylǵy kórsetkishten (411 myń tonna) 1,5 ese artyq.
Bul kórsetkish sońǵy 10 jyldaǵy rekordtyq deńgeıge jetip, ishki naryqtaǵy baǵalarǵa aıtarlyqtaı áser etti.
Osyǵan baılanysty, naryqtaǵy jaǵdaıdy turaqtandyrý jáne baǵanyń ósýine jol bermeý maqsatynda 2025 jylǵy 18 qańtarda ótken Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komısıanyń sheshimimen Qazaqstan Respýblıkasynyń aýmaǵynan barlyq kólik túrlerimen kartopty úshinshi elderge eksporttaýǵa, Eýrazıalyq ekonomıkalyq odaq elderinen basqa, 6 aı merzimge shekteý engizildi.
Vedomstvoaralyq komısıanyń sheshimi negizinde 2025 jylǵy 27 qańtardaǵy №26 QR Aýyl sharýashylyǵy mınıstriniń «Qazaqstan Respýblıkasynyń aýmaǵynan kartopty eksporttaý máseleleri týraly» buıryǵymen úshinshi elderge barlyq kólik túrlerimen kartopty shyǵarýǵa tyıym salyndy.
Qabyldanǵan sharalar kartop baǵasynyń alypsatarlyq jolmen ósýine jáne naryq qatysýshylary tarapynan oryn alýy múmkin spekýlátıvti áreketterge jol bermeýge múmkindik beredi.
Buıryqtyń tolyq mátinimen kelesi silteme arqyly tanysýǵa bolady:
http://zan.gov.kz/client/#!/doc/206795/kaz. Buıryq