Keshki Almaty. Alyp megapolıstiń tórinde 62-men zaýlap kelemiz.
Janymdaǵy qoly qolyna juqpaı, toqyma toqyp otyrǵan áıelge áli qarap otyrmyn tańqalyp. Keshkilik ýaqyt, bárimiz sharshap, qaljyrap kelemiz. Jyly avtobýsqa kirgen soń, qalǵyp otyrǵandar da bar. Al bul bolsa...
~ Jumysyńyz ba, ermegińiz be? -- dedim.
~ Ne deısiz? -- dedi álgi áıel toqýyn toqtatpastan, biraq kózi mende.
~ Sharshamaısyz ba, jumystan keıin de, avtobýs ústinde de toqyp?..
~ Joo, sharshamaımyn, qaıta mıymdy tynyshtandyramyn osymen. Jekemenshik balabaqshada aspazbyn. Qarap otyra almaımyn, serıal kórip otyryp ta, bireýmen áńgimelesip otyryp ta toqı beremin, - degen áıel art jaqtan shyqqan shań-shuń aıqaıǵa da burylyp qarady, biraq saýsaqtary qyzyl, kók jipterdi kezek-kezek ilip alyp toqyp jatyr, toqyp jatyr.
Qyzy da, bestegi nemeresi de toqyma toqıdy eken.
Ózi tapsyrys qabyldaıtyn kórinedi, tabysym "birge-bir" deıdi.
Kez-kelgen qol óneri de áıeldiń áıeldigin árleı túsetin sekildi.
Bárine úlgerip júretin, ýaqytty baǵalaı biletin áıelderińizdi aıalańyzdar!