Almaty metrosynyń stansıalarynda jolaýshylardyń qaýipsizdigin arttyrý maqsatynda arnaıy qorshaýlar ornatyla bastady, dep habarlaıdy aqshamnews.kz qalalyq metropolıtenniń baspasóz qyzmetine silteme jasap.
Metaldan jasalǵan tireýishter qazirgi ýaqytta "Momyshuly", "Saryarqa", "Raıymbek", "Moskva" jáne "Almaly" stansıalarynda ornatylǵan. Aldaǵy ýaqytta bul tireýishterge myqty áınekten jasalǵan panelder bekitiledi.
Qorshaýlar stansıa platformalaryndaǵy vagondar arasyndaǵy tirek núkteleriniń dál qarsysynda ornalasady. Bul qurylymdar poıyz toqtaǵan kezde jolaýshylardyń relske abaısyzda qulap ketýiniń aldyn alý úshin jasalyp jatyr.
Metropolıten ókilderiniń aıtýynsha, qorshaýlardy ornatý jumystary aldaǵy apta ishinde tolyq aıaqtalady.