Alǵash 1930 jyly 14 naýryzda «Pıoner» degen ataýmen jaryq kórdi, dep habarlaıdy aqshamnews.kz.
Soǵys kezinde ýaqytsha jabyldy. 1946 jyly 9 mamyrda «Qazaqstan pıoneri» degen ataýmen qaıta jaryqqa shyqty. 1990 jyldan bastap «Qazaqstan pıoneri» gazetiniń ataýy «Ulan» bolyp ózgerdi.
Gazettiń 95 jyldyq tarıhynda 24 redaktor basqarǵan. Olardyń arasynda Ahmet Nuralın, Kemel Toqaev, Seıdahmet Berdiqulov, Farıza Ońǵarsynova, Beıbit Qoıshybaev, Sultan Qalıuly syndy belgili aqyn-jazýshylar bar. Gazettiń qazirgi bas redaktory – Jadyra Narmahanova.
Jazýǵa ıkemi bar talaı jetkinshek «Ulan» gazetiniń jas tilshisi bolyp, jýrnalısıka salasyna qadam basty. Olar qazir elimizdiń túrli aqparat quralynda qyzmet etedi.