Ispanıada 3750 adam indetke shaldyqqan
Brazılıa men Ispanıa úkimeti óz aýmaǵynda maımyl shesheginen qaza tapqandar týraly alǵashqy derek tirkelgenin málimdedi, dep habarlaıdy Almaty-akshamy.kz QazAqparatqa silteme jasap.
Buǵan deıin Afrıka qurlyǵynan basqa elderde atalǵan vırýs saldarynan ólim jaǵdaıy bolmaǵan.
VVS agenttiginiń málimetinshe, búginde Brazılıada 1066 adamnyń indet juqtyrǵany anyqtalǵan.
Sonymen qatar, taǵy 513 turǵyn maımyl sheshegin juqtyrdy degen kúdikpen tirkeýge alynypty. Al, atalǵan vırýstan 41 jastaǵy brazılıalyq kóz jumdy.
Ispanıada 3750 adam indettiń ilmegine ilingen. Onyń ishinde 120 turǵyn aýrýhanada em alyp jatyr. Qazirgi tańda Ispanıada maımyl shesheginen eki adam qaıtys boldy.
Buryn habarlaǵanymyzdaı, Amerıka Qurama Shtattary maımyl sheshegin juqtyrý boıynsha kósh bastap tur.