Bostandyq aýdany qala ekonomıkasynyń basty qozǵaýshy kúshi bolyp qala beredi. Bıylǵy alǵashqy alty aıdyń qorytyndysy boıynsha aýdan ınvestısıa, kásipkerlik, saýda men salyq túsimi jaǵynan turaqty ósim kórsetti. Aýdan ınvestısıa tartýmen ǵana shektelmeı, shaǵyn jáne orta bıznestiń ortalyǵy da bolyp qaldy, dep atap ótti Óńirlik komýnıkasıalar qyzmetinde Bostandyq aýdanynyń ákimi Sanjar Álın.
2025 jyldyń 5 aıynda negizgi kapıtalǵa salynǵan ınvestısıanyń kólemi 175,5 mlrd teńgege jetken, bul byltyrǵy osy ýaqytpen salystyrǵanda 37,4%-ǵa artyq (127,7 mlrd teńge). Investısıalyq saıasat pen bıznes ahýaldyń jaqsarýynyń nátıjesinde osylaı boldy. Qazir qaladaǵy árbir besinshi shaǵyn jáne orta bıznes nysany Bostandyq aýdanynda tirkelgen. Jyl basynan beri mundaı kásiporynnyń sany 5,3%-ǵa ósip, 2024 jylǵy 64 324-ten bıyl 67 720-ǵa jetti.
Bólshek saýdada da edáýir ósim bar: satylym kólemi 27,7%-ǵa artyp, 528 mlrd teńgege jetti, ótken jyly ol 413,4 mlrd teńge bolǵan. Bólshek saýda kólemi 6%-ǵa artyp, 911,9 mlrd teńgege ósti (2024 jyly - 860,5 mlrd teńge). Bul ósim salyqtyń artýyna áser etip, búdjetke túsetin salyq 250 mlrd teńgeden 302,8 mlrd teńgege deıin - 21,1%-ǵa artqan.
Aýdannyń 2025 jylǵa arnalǵan búdjeti 30,1 mlrd teńgeni qurady, bul byltyrǵy búdjetten 1 mlrd teńgege kóp (29,1 mlrd teńge). Barlyq negizgi ekonomıkalyq kórsetkishtiń ósýi Bostandyq aýdanynyń jaqsy damyp kele jatqanyna dálel bola alady.