Fýtboldan Qazaqstan ulttyq qurama komandasynyń jartylaı qorǵaýshysy Bahtıer Zaınýtdınov Túrkıanyń «Beshıktash» klýbyndaǵy jalaqysyn aıtty, dep habarlaıdy almaty-akshamy.kz.
Túrkıalyq klýb basqa da legıonerleriniń aılyǵyn jarıalady. Footbal Critix málimetine qaraǵanda, Zaınýtdınov jylyna 1,2 mln eýro tabys tabady.
Bahtıer Zaınýtdınov pen «Beshıktash» arasyndaǵy kelisimshart 2027 jylǵa deıin jasalǵan. Bul klýbta eń kóp jalaqyny Kamerýnnyń shabýylshysy Vınsent Abýbakar alady. Ol jylyna 3 mln 110 myń eýro tabys tabady.
Zaınýtdınov byltyr tamyz aıynda Ystanbuldyń komandasyna Máskeýdiń Áskerılerdiń ortalyq sport klýbynan (SSKA) aýysty. Transferdiń quny 4,5 mln eýro boldy. Ázirshe odan basqa eshkim shetel klýbymen osynshama somaǵa kelisimshart jasasqan joq.