Bolat Nazarbaevtyń otbasy músheleri onyń muragerlik quqyǵyna ótinish berdi. Onyń qansha murageri bar? Mura qaldyrýshy ósıet qaldyrdy ma? Mura barlyq balasyna teńdeı bóline me?
BAQ betterinde Bolat Nazarbaevtyń múlkin bólýge qatysty aqparattar tarap jatyr. Bes.media saıtynyń málimetinshe, Nazarbaev múlkine onyń úlken uly Nurbol, zańdy áıeli Dınara men 13 balasy ótinish bildirgen, dep habarlaıdy almaty-akshamy.kz.
- Nazarbaev Nurbol Bolatuly, 1983 jyly 14 qarashada týǵan, ósıet qaldyrýshynyń uly, ósıet boıynsha muraǵa quqyq týraly kýálik berý týraly ótinishi boıynsha júgingen.
- Nazarbaeva Dınara Kemelhanqyzy, 04.12.1986 j.t., mura qaldyrýshynyń jubaıy, birlesken nekede jınalǵan múliktiń 1/2 bóligin bólý týraly ótinishi boıynsha júgingen.
"Nazarbaevtar otbasynyń músheleri muragerlikke ótinish bildirgen, onyń ishinde uly Nurbol, áıeli Dınara jáne basqa balalary bar. Ótinishter birlesip satyp alynǵan múliktiń úlesine de, zań boıynsha muranyń mindetti úlesterine de qatysty", - delingen habarlamada.
Biryńǵaı notarıaldyq aqparattyq júıede bul isti qansha notarıýs aınalysyp jatqanyn bilýge bolady. Saıtta muragerlik isti 2 notarıýs tirkegeni belgili boldy. Biri - Isabaev Baýyrjan, ekinshisi - Ásel Jantóleýova.
Ashyq derekkóz málimetinshe, Bolat Nazarbaevqa qatysty № 1/2024 muragerlik isti notarıýs Isabaev Baýyrjan bıyl 3 qańtarda ashqan. Bul muragerlik is ósıet boıynsha ashylǵan.
Zań boıynsha muranyń mindetti úlesin alýǵa quqyly mura qaldyrýshynyń balalary:
- Bolatuly Bolathan: 7 aqpan 2012 jyl
- Nazarbaev Muhammed Bolatuly: 21 qyrkúıek 2021 jyl
- Nazarbaeva Erkejan Bolatqyzy: 2018 jylǵy 18 mamyr
- Nazarbaev Elnur Bolatuly: 2013 jylǵy 19 tamyz
- Nazarbaev Bolat Bolatuly: 2014 jylǵy 17 qazan
- Nazarbaev Akbar Bolatuly: 23 Qarasha 2016 jyl
- Nazarbaeva Nurbaný Bolatqyzy: 2018 jylǵy 9 shilde
- Bolatqyzy Tomırıs: 30 shilde 2013 jyl
- Bolatqyzy Arýnaz: 2016 jylǵy 30 qańtar
- Nazarbaev Hanbolat Bolatuly: 2002 jylǵy 17 aqpan
- Nazarbaeva Albına Bolatqyzy: 7 maýsym 2003 jyl
- Nazarbaev Hantóre Bolatuly: 26 Qańtar 2018 jyl
- Nazarbaeva Janel Bolatqyzy: 2010 jylǵy 3 qarasha
Aıta keteıik, eger mura qaldyrýshy ósıet qaldyrmasa, onda mura zań boıynsha basymdyǵy týystyq dárejemen anyqtalatyn kezek tártibinde beriledi.
Gov.kz málimetinshe, bir dárejedegi muragerlerge múlik teń úleste bólinedi.