Elordadaǵy Táýelsizdik saraıynda Qazaqstan tóraǵalyǵymen Shanhaı yntymaqtastyq uıymynyń samıti bastaldy, dep habarlaıdy almaty-akshamy.kz
İs-sharaǵa Qazaqstan, Iran, Qytaı, Qyrǵyzstan, Pákistan, Reseı, Tájikstan, Ózbekstan, Belarýs, Mońǵolıa, Ázerbaıjan, Qatar, Túrkıa jáne Túrikmenstannyń Memleket pen Úkimet basshylary, BAÁ-den Ras ál-Haıma ámirliginiń ámiri, Úndistannyń Syrtqy ister mınıstri, sondaı-aq SHYU Bas hatshysy jáne SHYU Óńirlik terorızmge qarsy qurylymynyń Atqarýshy dırektory qatysýda.
Samıtke sonymen qatar BUU Bas hatshysy jáne TMD, EYU, AÓSSHK, UQSHU, EEK jáne AQIU sıaqty halyqaralyq uıymdardyń basshylary shaqyrylǵan.
SHYU samıti alǵash ret «SHYU-ǵa múshe Memleket basshylary keńesiniń otyrysy» jáne «SHYU+» kezdesýi formatynda ótýde.
SHYU-ǵa múshe Memleket basshylary keńesiniń otyrysy barysynda Astana deklarasıasy, 20 sheshim, Memleket basshylarynyń 3 málimdemesi, onyń ishinde «Ádil beıbitshilik, kelisim jáne damý úshin álemdik birlik týraly», «SHYU-ny jetildirý týraly» bastamasy qabyldanbaq. Belarýs Respýblıkasyn SHYU músheligine qabyldaý rásimin aıaqtaý jáne oǵan Uıymǵa múshe memleket mártebesin berý týraly tarıhı sheshim de búgin júzege aspaq.
Jalpy, Memleket basshylary Uıymnyń kópjosparly yntymaqtastyǵyn, onyń perspektıvalaryn odan ári nyǵaıtýǵa jáne ózekti halyqaralyq jáne óńirlik problemalardy sheshýge yqpal etetin kóptegen máseleni qarastyrady.
«SHYU+» kezdesýi «Ádil beıbitshilik, kelisim jáne damý úshin álemdik birlik týraly» taqyrybynda keńeıtilgen formatta ótedi.