Elordadaǵy Táýelsizdik saraıynda ótip jatqan Shanhaı yntymaqtastyq uıymynyń samıtinde múshe memleketterdiń basshylary Belarýs Respýblıkasyn Uıym múshelegine qabyldaýǵa qatysty birqatar qujatqa qol qoıdy, dep habarlaıdy almaty-akshamy.kz.
«Shanhaı rýhyn nyǵaıtý jáne Shanhaı prınsıpterin ilgeriletý arqyly biz SHYU-ny eń bedeldi halyqaralyq qurylymdardyń birine aınaldyrdyq. Bizdiń birlestigimizdiń biregeıligi men orasan zor áleýetiniń arqasynda álemde oǵan degen qyzyǵýshylyq turaqty túrde artyp keledi. Búgin Astanadaǵy samıtte uıymymyzdy odan ári keńeıtý týraly mańyzdy sheshim qabyldanady. Osyǵan baılanysty Belarýs Respýblıkasynyń Prezıdenti qurmetti Aleksandr Grıgorevıch Lýkashenkoǵa qosh keldińiz demekpin», - dedi samıt barysynda Qazaqstan Prezıdenti.
Memleket basshysynyń atap ótýinshe, Belarýs SHYU-ǵa tolyqqandy múshe bolý jolynda qajetti rásimderdiń bárin oryndaǵan.
«Eger qarsylyq bolmasa otyrysty Belarýs Respýblıkasyn SHYU-ǵa múshe memleketterdiń quramyna qabyldaý týraly qujattarǵa qol qoıý rásiminen bastasaq», - dep usynys jasady Qasym-Jomart Toqaev.
Osydan keıin SHYU-ǵa múshe memleketterdiń basshylary Belarýs Respýblıkasyn Uıym quramyna qabyldaýǵa baılanysty birqatar qujatqa qol qoıdy.