Kofe daqylynyń ónimdiligi tómendedi.
Statıskaǵa saı, kún saıyn shamamen 2 mıllıard tostaǵan kofe ishiledi. Al, eń tanymal kofe sorty - arabıka qazirde álemdik kofe naryǵynyń 75%-yn quraıdy. Bolashaqta kofeniń osy sortyna joıylý qaýpi tónip tur, dep habarlaıdy Almaty-akshamy.kz 24.kz-ke silteme jasap.
Máselen, Afrıkada arabıka ósirýge jaramdy aımaqtardyń sany 2080 jylǵa qaraı 65 paıyzǵa azaıady degen boljam bar. Óıtkeni keıingi 50 jylda kofe dánderiniń negizgi jetkizýshileriniń biri - Tanzanıada ónimdilik eki ese azaıdy. Oǵan sebep, taýlardaǵy tómengi temperatýra. Saldarynan kofe plantasıalaryna sańyraýqulaq ınfeksıasy áser etip, eginniń 50-85% -in joıyp jibergen. 2012-17 jyldary el ekonomıkasyna 2,5 mıllıard eýro shyǵyn kelip, 2 mıllıonǵa jýyq sharýa óz qojalyqtaryn tastap ketken.
2050 jylǵa qaraı kofe daqylyn ósirýge jaramdy aýmaq shamamen eki ese azaıady, al 2080 jylǵa qaraı bul ósimdik jabaıy tabıǵatta tolyǵymen joıylyp ketý qaýpi bar. Kofemen qatar, shokolad ındýstrıasy da birjola toqtaıdy dep sarapshylar. Shokolad ındýstrıasy toqtaýy múmkin Jahandyq jylynýdyń áserinen 2030 jylǵa qaraı kakao aǵashyn ósirý tıimsiz bolady. Qazirdiń ózinde keıbir afrıkalyq, ındonezıalyq fermerler kakao burshaqtaryn ósirýden bas tartyp jatyr. Halyqaralyq kakao uıymynyń málimeti boıynsha, keıingi 40 jylda shokolad aǵashtaryn ósirýge jaramdy aýmaqtardyń aýdany 40%-ke azaıdy. Sondaı-aq álemdik kakao eksportynyń 70%-in qamtıtyn Gana men Kot-d’Ivýardaǵy ortasha temperatýra 2 gradýsqa kóteriledi degen qaýip bar. Al bul boljam jyl saıyn kakaoǵa suranysty arttyryp jatyr. Álemdik bırjalardaǵy kakao burshaqtarynyń quny aqpan basynda 6000 dollarǵa jetti. Jyl basynan beri bir jarym ese ósken. Bul 2022 jylǵy kórsetkishpen salystyrǵanda 130 paıyzǵa kóp.