Almatylyqtar «Almaty - bizdiń ortaq úıimiz» kampanıasy aıasynda ótip jatqan «Jasyl aýla» naýqany arqyly tegin kóshetter aldy, dep habarlaıdy almaty-akshamy.kz
«Almaty - bizdiń ortaq úıimiz» kampanıasy aıasynda Almaty qalasy Ekologıa jáne qorshaǵan orta basqarmasy ótinimder boıynsha kóshetterdi taratty.
«Jasyl aýla» naýqany aıasynda kóshetter kópqabatty úılerdiń aýlasy men qoǵamdyq keńistikterde otyrǵyzý úshin berildi.
JTQ jeke sektory men baý-baqsha seriktestikteriniń, sondaı-aq zańdy tulǵalardyń aýmaǵynda otyrǵyzý úshin kóshetter berý kózdelmegen.
Naýqannyń birinshi kezeńiniń qorytyndysy boıynsha 500-ge jýyq ótinim kelip tústi, onyń 200-den astamy maquldandy. Qala turǵyndary 2 myńnan astam kúl, tal, katalpa, gıbıskýs, alma jáne qaraǵash kóshetterin tegin aldy.
Jyl saıyn kóppáterli úıler men jalpy aýmaqtardyń aýlalaryn kógaldandyrýǵa nıet bildirýshiler sany artyp keledi. Jyl saıyn «Jasyl aýla» naýqanyna qatysatyn turǵyndar bar.
«Men Túrksib aýdany, «Juldyz» shaǵyn aýdanynda turamyn. Men óz aýlamdy kógaldandyrý úshin túrli kóshettiń 15 danasyn aldym. Bul aksıaǵa qatysý - úlken jaýapkershilik, óıtkeni aǵashty kútip-baptaý jáne ósirý qajet. Biz qalanyń jasyl qoryn damytýymyz kerek, osyndaı is – sharalar kóbirek bolsa degen qalaýym bar», - dedi Túrksib aýdanynyń turǵyny Alena Barkalova.
Esterińizge sala keteıik, aksıaǵa qatysý úshin ótinimderdi qabyldaý 15 sáýirge deıin jalǵasady. Ekinshi kezeńde kóshetterdi taratý 20-21 sáýirde saǵat 10:00-den 15:00-ge deıin Almaty qalasy, Áýezov aýdany, Iýrıı Kım kóshesi, 9-úı («Eco Almaty» JSHS) mekenjaıy boıynsha júrgiziledi. Anyqtama telefondary: +7 707 546 1770, +7 727 390 41 17. Qońyraýlar jumys kúnderi saǵat 9:00-den 18:00-ge deıin qabyldanady.