Qazaqstan Respýblıkasy Memlekettik ortalyq mýzeıinde «Jas sheber» qolóner úıirmesi jumys istep keledi. Onda balalarǵa arnalǵan túrli «sheberlik sabaqtary» ótedi.
Bul joly «Jas sheber» qatysýshylary «Naýryz meıramy» taqyrybynda sýretter saldy.
Ónerge qushtar jetkinshekter akvarel jáne gýash qoldana otyryp, merekeniń ásemdigin aq qaǵaz betine túrli-tústi boıaýlarmen órnektep jetkizýge tyrysty. Jas sýretshilerdiń týyndylarynan olardyń júrek lúpili, balǵyn qoltańbasy, izdenisteri sezilip turdy.
Sabaq barysynda balalar «Qazaqstan grafıkasy» kórmesimen tanysyp, ózderine unaǵan týyndylaryn kórsetip, áserlerimen bólisti. Sondaı-aq olar otandyq sýretshilerdiń jumys barysynda qoldanatyn grafıka tehnıkasy boıynsha málimetter aldy.
«Sabaq kezinde shyǵarmashalyqqa jany qumar órender Naýryzdy grafıkada beıneledi. Endi olar kelesi dáriste kıiz basý ónerimen tanysyp, qazaqı oıýlarmen aplıkasıa – panno jasaýdy úırenedi», – deıdi úıirme jetekshisi Aıjan Qurbanova.