Ol astyrtyn qıturqy áreketterge jol bermeýi tıis.
Bul - QR Prezıdenti Qasym-Jomart Toqaevtyń búgingi sózi, dep habarlaıdy Almaty-akshamy.kz Aqordanyń resmı saıtyna silteme jasap.
Memleket basshysy 2020 jyldyń qorytyndysy boıynsha memlekettik búdjettiń kirisi 34,6 mlrd dollar (14,6 trln teńge) bolǵanyn jáne bul İJÓ-niń 20 paıyzy ekenin atap ótti.
«Asa mańyzdy memlekettik mindetterdi sheshý úshin bul jetkiliksiz. Ekonomıkalyq yntymaqtastyq jáne damý uıymyna múshe elderde memlekettik búdjettiń kirisi 40-50 paıyzǵa deıin jetedi. Tipti, bizdiń jaqyn kórshilerimizdiń ózinde bul kórsetkish áldeqaıda joǵary. Máselen, Ýkraınada — 31%, Reseıde — 35,4%, Qyrǵyzstanda — 31%. Sońǵy 10 jylda eldiń İJÓ-degi salyqtyń úlesi 9,9 paıyzdan, 7,3 paıyzǵa deıin tómendep ketken. Mine, sol sebepti Ulttyq qordan bólinetin transfer de tym kóbeıip ketken. 2019 jyldan 2021 jylǵa deıin 12 trln teńge, ıaǵnı 30 mlrd dollarǵa jýyq qarjy jumsalǵan», — dedi Memleket basshysy.
QR Prezıdentiniń atap ótýinshe, osy jaǵdaı asa mańyzdy sheshimder qabyldaýdy talap etip otyr.
«Bizge jańa salyq saıasaty qajet. Ol astyrtyn qıturqy áreketterge jol bermeıtin, bızneske de, Úkimetke de ashyq, túsinikti saıasat bolýy kerek», – dedi Prezıdent.