Almatyda azyq-túlik dúkeninde jasalǵan shabýyl men tonaý qylmysy ashyldy, - dep habarlaıdy Aqshamnews.kz Polisia.kz-ke silteme jasap.
Almatynyń krımınaldyq polısıa qyzmetkerleri Áýezov aýdandyq polısıa basqarmasyndaǵy áriptesteriniń qoldaýymen qaraqshylyq shabýyldyń betin ashty. Qylmys qaladaǵy azyq-túlik dúkenderiniń birinde bolǵan. Belgisiz er adam áıel adamǵa shabýyl jasap, oǵan dene jaraqatyn salyp, altyn buıymyn ashyq túrde ıemdenip, oqıǵa ornynan boı tasalaǵan. Jábirlenýshige der kezinde medısınalyq kómek kórsetildi. Atalǵan derek boıynsha qylmystyq is qozǵaldy. Jedel-izdestirý is-sharalarynyń kesheni barysynda kúdikti tulǵa anyqtalyp, ustaldy. Urlanǵan múlik tárkilenip, qylmystyq istiń materıaldaryna tirkeldi. Kúdikti ýaqytsha ustaý ızolátoryna qamaýǵa alyndy. Sotqa deıingi tergep-tekserý jalǵasyp jatyr.
— Krımınaldyq polısıa qyzmetkerleriniń aýmaqtyq bólimshemen birlesken úılesimdi ári kásibı áreketteriniń nátıjesinde kúdikti qysqa merzim ishinde ustaldy. Qylmystyń barlyq mán-jaıy anyqtalyp, urlanǵan múlik qaıtaryldy. Qoǵamdyq qaýipsizdikti qamtamasyz etý jáne jasalǵan qylmystar úshin jazanyń bultartpastyǵy qaǵıdatyn saqtaý baǵytyndaǵy jumys jalǵasa beredi, — dep naqtylady Almaty qalasy polısıa departamenti krımınaldyq polısıa basqarmasynyń bastyǵy Asqat Daýletıarov.