Óndiriste ólim-jitim jıilep ketti.
Máselen, halyqaralyq standart boıynsha 500 oqıǵada bir ǵana shyǵyn bolýy tıis. Al bizdiń elde 11 jaǵdaıda bir adam kóz jumady. Sarapshylar qoǵamdy alańdatqan osy máseleni Elordadaǵy forýmda talqylady. Endi bıyldan qalmaı, Qaýipsiz eńbek tujyrymdamasy ázirlenýi tıis, dep habarlaıdy Almaty-akshamy.kz.
24.kz-tiń derekterine súıensek, qujatta jumyskerlerdiń eńbek jaǵdaıyndaǵy sapany arttyrý, eńbek resýrstaryn únemdeý kózdelmek. Óndiristegi eńbek qaýipsizdigin baǵalaýda jaraqat alý kórsetkishi, jabdyqtardyń qaýipsizdigi, jeke qorǵaný quraldarymen qamtamasyz etý jáne syrqattaný deńgeıi qamtylady. Sondaı-aq kásiporyndardyń sıfrlyq kartasy ázirlenedi. Bul kartada eńbek jaǵdaıyn tolyq kórýge bolady. Materıaldyq-tehnıkalyq bazaǵa monıtorıń jasalyp, soǵan sáıkes jańǵyrtý jumystary júrgiziledi.
«Árbir jumys orny baǵalansa, árbir jumyskeriniń naqty onyń jaǵdaıy qandaı jumys ornynda jáne de ol qanshalyqty qamatmasyz etildi kepildik boıynsha, quraldar boıynsha, arnaıy kıim boıynsha, sonda ol oǵan naqty áleýmettik, ekonomıkalyq effekt beredi dep oılaımyn. Ol, eń bastysy, shyn aıtsaq, eń túpkide munyń barlyǵy jumystyń jaǵdaıyn, jumyskerdiń jaǵdaıyn jasaıdy», - deıdi Eńbekti qorǵaý jónindegi respýblıkalyq ǵylymı-zertteý ınstıtýty bas dırektorynyń orynbasary Álimjan Bekmaǵanbetov.