Tórt aıdyń qorytyndysy boıynsha JİÓ ósimi 6 paıyzǵa jetti.
Ekonomıka mınıstrligi málimetinshe, kólik (22,4 paıyz), saýda (7 paıyz) sekildi salalarda damý qarqyny artqany baıqalady. Ósim aýyl sharýashylyǵy (3,9 paıyz) jáne baılanys (2,6 paıyz) salalarynda da tirkelgen, - dep habarlaıdy aqshamnews.kz
Kólik salasyndaǵy ósim temir jol jáne qubyr kóligimen júkterdi tasymaldaý jónindegi qyzmetter kólemi ulǵaıýy esebinen qamtamasyz etildi. Joǵary dınamıka myna óńirlerdi tirkeldi:
Túrkistan (21,8 paıyz),
Jambyl (11,2 paıyz),
Abaı (14,9 paıyz) oblystary.
Qurylys salasynda naqty jumys kóleminiń ındeksi 16,2 paıyz boldy.
Saýda salasy birinshi toqsandaǵy 6,3 paıyzǵa qaraǵanda 7 paıyz turaqty ósim kórsetti. Kóterme saýda kórsetkishi 7,4 paıyzǵa, bólshek saýda kórsetkishi 6,1 paıyzǵa deıin ósti. Birqatar óńir:
Túrkistan oblysy - jemisterdi, kókónisterdi, farmasevtıkalyq taýarlardy satatyn kásiporyndar esebinen 60,4 paıyz;
Aqmola oblysy - astyqty, tuqymdardy jáne mal azyǵyn satatyn kásiporyndardyń arqasynda 44 paıyz;
Shymkent - dızel otynyn, farmasevtıkalyq taýarlardy, qara jáne tústi metaldardyń synyqtary men qaldyqtardy satatyn kásiporyndar esebinen 19,8 paıyzǵa joǵary ósim kórsetken.
Ónerkásipte óndiris ındeksi 6,4 paıyzǵa jetti. Ósim taý-ken sektorynda baıqaldy: 7,1 paıyz, sonyń ishinde kómir óndirýdi ulǵaıtý esebinen (11,2 paıyz) artyp otyr.
Óńdeý ónerkásibinde kórsetkish - 7,2 paıyz, onyń ishinde tamaq ónimderin óńdeý (12 paıyz), temeki ónimderin (26,3 paıyz), hımıalyq ónimderdi óndirý (11,2 paıyz) jáne mashına jasaý (11,2 paıyz) bar.
Aýyl sharýashylyǵy oń dınamıka kórsetip otyr. Jalpy ónim ındeksi qańtar-sáýir aılarynda 3,9 paıyz bolǵan.