Vedomstvoaralyq komısıa 16 kıno jobany iriktedi, dep habarlaıdy aqshamnews.kz
Komısıa irikteýdi Ulttyq kınony qoldaý memlekettik ortalyǵynyń Saraptamalyq keńesiniń qorytyndysy boıynsha júrgizdi.
Komısıa músheleri otandyq kınoındýstrıany damytýǵa jáne ulttyq qundylyqtardy nasıhattýǵa úles qosa alatyn áleýeti joǵary jobalardy tańdady.
Aıta keteıik, konkýrsqa anımasıa, derekti, kórkem fılmderi sanaty boıynsha 444 ótinim tirkelgen. Saraptama keńesiniń qaraýyna 357 joba joldandy. Baǵalaý nátıjesinde 128 senarı men senarılik jospar ekinshi kezeńge ótti. Bul kezeńde qatysýshylar tolyq qujattar paketin usyndy. Nátıjesinde 99 joba pıchıngke joldama aldy.
9-12 maýsym aralyǵynda Almaty qalasynda konkýrstyq irikteýdiń eki kezeńinen sátti ótken kıno jobalardyń pıchıngi ótti. Pıchıng Kıno ortalyqtyń resmı YouTube arnasynda tikeleı efırde kórsetildi. Bul konkýrstyń ashyqtyǵy men ádilettiligine degen ustanymdy kórsetedi.
Kıno jobalardy qarjylandyrý týraly sońǵy sheshimdi Qazaqstan Respýblıkasy Mádenıet jáne aqparat mınıstrligi qabyldaıdy.