Jeli qoldanýshylary kıiz úıde mundaı bı bıleý qazaq mádenıetin qorlaıtynyn jazǵan. Olar vıdeo qatysýshylaryna jaza qoldanýdy talap etip, túrli pikir qaldyryp jatyr, dep habarlaıdy almaty-akshamy.kz.
"Óner deısiń be? Atańnyń basy!", "Ulttyq kıimge osyndaı qarym-qatynas jasaǵany úshin aıyppul salynýy qajet!", "Maǵan seniń bılegeniń unaıdy, biraq ulttyq kıimmen emes, kıiz úıde basqa dástúrli bı bolýy kerek edi", "Meniń oıymsha, ákimshilik jaýapkershilikke tartylýy qajet", "Maldar", "Ne isteımiz? Basqa bireýler baýyzdap ketpeı turǵanda jaýapkershilikke tartamyz ba? Namysy qattylar bir nárse búldirip, keıin osy úshin túrmege qamalady. Sol úshin osyndaı áreketke jol bermeı aldyn ala ózderińiz qarastyrýlaryńyzdy suraımyn", "Ne isteseńizderde óz erikterińiz! Biraq, kıiz úı men ulttyq kıimdi qorlamańyzdar!", - dep jazdy halyq.
Sonymen qatar, qoǵam belsendileri de jeke paraqshalaryna jazba jarıalap, vıdeony "azǵyndyqqa" teńegen.
"Abylaı týǵan, Abaı týǵan, Tana myrza týǵan kıgiz úıde beı kıimsiz úsh "qyz" bılep júr eken. Kórmekke kóz, aıtpaqqa sóz uıalyp tur.
Jalpy, bizde ulttyq ıdeologıaǵa kim jaýap berýshi edi?", - dep jazǵan jýrnalıs Ońǵar Qabden.