Starlink ınterneti úshin aýyldyq mektepter aı saıyn shamamen 140 myń teńge tólep turady, dep habarlaıdy almaty-akshamy.kz Qazaqstan Respýblıkasy sıfrlyq damý, ınovasıalar jáne aeroǵarysh ónerkásibi mınıstrligine silteme jasap.
Mınıstrlik basshysy Jaslan Mádıev mundaı tarıf barlyq mektepter úshin qoldanylatynyn atap ótti. Ol ár mektepte kompanıanyń bir termınaly ornatylǵanyn aıtty.
Bul spýtnıkten sıgnaldardy qabyldaıtyn jáne ınternetti qamtamasyz etetin abonenttik qurylǵy. Marshrýtızatordyń bir túri. Ár mektep boıynsha 2500 dollar (1,1 mln teńge) quraıdy, – dedi telekomýnıkasıa komıtetiniń tóraǵasy Erjan Meıramov.
Onyń aıtýynsha, jabdyqtyń qyzmet etý merzimi sheksiz. Kompanıa termınaldarǵa kepildik pen tehnıkalyq qyzmet kórsetedi. Mınıstr óz baıandamasynda qazir Starlink-ke 17 óńirde 1485 aýyldyq mektep qosylǵanyn atap ótti.
Mekemelerdegi Starlink ınternet jyldamdyǵy orta eseppen 150 Mbıt/s quraıdy, al buryn 4 Mbıt/s aspaǵan.