Bala jazýǵa úırenbegendikten, aýyr nemese qolaısyz qalam onyń qolyn sharshatýy múmkin. Sondyqtan mamandar bolashaq oqýshylarǵa arnaıy qalamdar satyp alýǵa keńes beredi. Bul týraly Roshal atyndaǵy Balalar klınıkalyq ortalyǵynyń pedıatrıalyq bóliminiń meńgerýshisi Iýlıa Rovenskaıa aıtyp berdi, - dep habarlaıdy Aqshamnews.kz tilshisi rbclifetime.ru-ǵa silteme jasap.
Sarapshynyń 5 keńesi
- Qalam men qaryndashtyń eń yńǵaıly pishini – úsh qyrly (úshburyshty).
- Óte jińishke nemese tym jýan qalam qoldy sharshatady. Ortasha qalyńdyǵy qolaıly.
- Qalamda syrǵymaıtyn rezeńke qaptama bolýy kerek. Ol qoldyń durys ornalasýyna kómektesedi.
- Jazýy jeńil, kúshti kóp qajet etpeıtin qalam tańdaý qajet. Sharıkti qalamdar eń qolaıly: sıasy tez kebedi, jaıylmaıdy.
- Múltfılm keıipkerleri beınelengen qalamdar oqý úshin qolaısyz. Olar qoldy tez sharshatady.
Solaqaı balalarǵa keńes
Eger balańyz solaqaı bolsa, ony qaıta úıretýdiń qajeti joq. Búginde sol qolmen jazýǵa yńǵaıly, arnaıy ıilgen korpýsy bar qalamdar shyǵarylady.
Mektepke qajet zattar
Birinshi synyp oqýshysyna myna zattardy daıyndaý usynylady:
- tor kóz jáne kólbeý syzyq dápter,
- qarapaıym jáne túrli tústi qaryndashtar,
- 15–20 santımetr syzǵysh,
- qoqys jınaıtyn qaqpaǵy bar ushtaǵysh,
- óshirgish,
- oqýlyqqa arnalǵan tireý,
- sanaýǵa arnalǵan taıaqshalar.
Mańyzdy eskertý
Maman ata-analardy balalarǵa qalam, qaryndash nemese flomasterdi jalaýǵa bolmaıtynyn túsindirýdi ótinedi. Sebebi qolda júrgen qalamda mıkrob kóp jınalady. Bul juqpaly aýrýlarǵa sebep bolýy múmkin. Qurǵaǵan flomasterdi jalap jazdyrý da qaýipti: zamanaýı boıaýlar ýly emes bolǵanymen, alergıa týǵyzýy múmkin.