"Syr sulýy" dep atalatyn kúrish sorty shyǵaryldy

"Syr sulýy" dep atalatyn kúrish sorty shyǵaryldy Sýret: Qazaqstan.tv

QR Sý resýrstary jáne ırrıgasıa mınıstrliginiń aqparatynsha, Qyzylorda oblysynda Y. Jaqaev atyndaǵy Qazaq kúrish sharýashylyǵy ǵylymı-zertteý ınstıtýty jańa kúrish sortyn synaqtan ótkizip jatyr, dep habarlaıdy aqshamnews.kz

"Syr sulýy" dep atalatyn bul sort az ýaqytta pisip-jetiletindikten, sýdy da az qajet etedi.

"Synaq nátıjeleri kórsetkendeı, jańa kúrish sorty 105-110 kúnde pisip-jetilip, jergilikti aýa raıy men topyraqqa tolyq beıimdelgen. Barlyq agrotehnıkalyq talap oryndalǵan jaǵdaıda gektarynan 80-85 sentnerge deıin ónim alýǵa bolady", delingen QR Sý resýrstary jáne ırrıgasıa mınıstrligi taratqan aqparatta.

Qazirgi tańda Qyzylorda oblysynda negizinen reseılik kúrish sorttary ósiriledi. Olar tolyq pisip-jetilý úshin 120-125 kún ýaqyt alady.

"Qazaqstannyń ońtústik óńirlerindegi sý sharýashylyǵy jaǵdaıy sýdy únemdeýdiń jańa tásilderin izdeýdi jáne ázirleýdi qajet etip otyr. Álemdik klımattyń ózgerýin eskersek, osyndaı jańa daqyl túrleri burynnan ósirilip júrgen sýdy kóp qajet etetin sorttarǵa jaqsy balama bola alady. Bul ǵylymı jumystyń nátıjesi aýyl sharýashylyǵynyń damýyna jáne kúrish alqaptarynda sý tutynýdy azaıtýǵa oń yqpal etedi", – dedi Y. Jaqaev atyndaǵy Qazaq kúrish sharýashylyǵy ǵylymı-zertteý ınstıtýty basqarma tóraǵasynyń ǵylymı jumystar jónindegi orynbasary Januzaq Baımanov.

Sonymen qatar ǵylymı-zertteý ınstıtýty Sý resýrstary jáne ırrıgasıa mınıstrligimen birlesip, vengrlik Water Retainer jańa preparatyn synaqtan ótkizip jatyr. Ol topyraqtaǵy ylǵaldy uzaq saqtaýǵa kómektesedi. Bıyl bul preparat Almaty, Jambyl, Qyzylorda, Qaraǵandy, Aqmola jáne Jetisý oblystaryndaǵy egistikterde tájirıbe júzinde qoldanyla bastady.

"Birinshi synaq kezeńinde tórt ǵylymı-zertteý ınstıtýty qatysty. Synaq nátıjesinde preparat kúrishtiń ósý kezeńin qysqartyp, sýdy aıtarlyqtaı únemdeýge múmkindik beretini anyqtaldy. Ádette kúrishke 90 kún boıy sý jiberiledi, al bul preparatty qoldanǵanda bar bolǵany 51 kún sýarý jetkilikti", – dep atap ótti Sý resýrstary jáne ırrıgasıa mınıstrliginiń Ǵylymı jáne ınovasıalyq tehnologıalar departamenti dırektory Lázzat Júsipova.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

22:51

22:11

18:46

18:14

17:57

17:51

17:34

17:34

17:34

16:44

16:43

16:36

16:07

16:06

15:56

15:29

15:00

14:45

14:43

14:38

13:31

13:03

12:49

12:00

11:24