Zańǵa qurmet – órkenıetti qoǵam aınasy
Búgin Qazaqstan Prezıdenti Qasym-Jomart Toqaev Parlament palatalarynyń birlesken otyrysynda el halqyna kezekti joldaýyn jarıalady.
Joldaýda aıtylǵan mańyzdy tustarǵa Qazaq ulttyq qyzdar pedagogıkalyq ýnıversıtetiniń prorektory,zań ǵylymdarynyń doktory, profesor Erkin Shajauly Dúsipov oı qosty, - dep habarlaıdy Aqshamnews.kz tilshisi.
"Prezıdent Qasym-Jomart Toqaev Qazaqstan halqyna arnaǵan Joldaýynda: "Zań jáne tártip – memleketimizdiń myzǵymas tuǵyry" dep atap ótti. Bul sóz – táýelsizdikti saqtap qalýdyń, eldik bolmysymyzdy nyǵaıtýdyń basty qaǵıdasy. Shyn máninde, quqyq pen tártip bar jerde ádilet saltanat qurady, qoǵamnyń damýyna senimdi negiz qalanady.
Memleket basshysy kez kelgen zańsyzdyqqa múldem tózbeý qaǵıdasyn ustaný qajettigin atap ótti. Bul tek quzyrly organdardyń ǵana emes, búkil qoǵamnyń ortaq mindeti. Sebebi quqyqtyq mádenıet ár azamattyń kúndelikti ómirlik ustanymynan bastalady.
Zańǵa qurmet, ádildikke senim – órkenıetti qoǵamnyń kórsetkishi. Degenmen, Prezıdent atap ótkendeı, qoǵamdyq oryndarda orynsyz daýlasý, balaǵat sóz aıtý, dórekilik kórsetý syndy jaǵymsyz áreketter áli de kezdesip qalady. Bul – tek tártip buzý emes, sonymen birge ulttyq mádenıetimizge kóleńke túsiretin, eldiń bedeline nuqsan keltiretin qubylys.
Uly Abaıdyń «Birińdi qazaq, biriń dos, kórmeseń istiń bári bos» degen ósıeti dál búgingi qoǵam úshin de asa ózekti.
Quqyqtyq sana – tárbıeden bastalady
"Zań ǵylymdarynyń ókili retinde aıtarym: quqyq buzýshylyqqa qarsy sana qalyptastyrý tek jazalaý sharasymen ǵana shektelmeıdi. Eń aldymen, ol – tárbıe men bilimniń jemisi.
Jańa Qazaqstannyń azamaty memleketshil, otanshyl, ádiletti qoǵam qurýǵa múddeli bolýy tıis. Qazaq ulttyq qyzdar pedagogıkalyq ýnıversıtetinde bolashaq pedagogterdi daıarlaýda biz osy qundylyqtarǵa erekshe mán beremiz. Sebebi ustaz – qoǵamǵa úlgi, jas urpaqtyń boıyna tártip pen mádenıetti sińiretin tulǵa", - deıdi E.Dúsipov.
Patrıotızm – tek til men mádenıet emes
"Prezıdent atap kórsetkendeı, búgingi patrıotızm uǵymynyń aýqymy keńeıip keledi. Ol tek til men mádenıetke qurmetpen shektelmeıdi. Zańǵa baǵyný, ortaq jaýapkershilik, el tynyshtyǵyn saqtaý, ádildikke adal bolý – patrıotızmniń jańa qyrlary.
Quqyq ústemdigi – Ádiletti Qazaqstannyń basty irgetasy. Bul irgetas myqty bolsa, memleketimizdiń bolashaǵy da berik bolmaq. Sondyqtan árqaısymyz el tynyshtyǵyn saqtaýǵa, zań men tártipti qadirleýge úles qosýymyz qajet", - dep túıindedi Qazaq ulttyq qyzdar pedagogıkalyq ýnıversıtetiniń prorektory,zań ǵylymdarynyń doktory, profesor Erkin Shajauly Dúsipov