Qazaqstandyq loýkoster FlyArystan jolaýshylarǵa arnalǵan derbes qyzmet kórsetý múmkindikteri keńeıtilgen mobıldi qosymshasynyń jańartylǵan nusqasyn usynady.
Jańartýlardyń kómegimen ushý aldyndaǵy daıyndyq burynǵydan da jeńil, jyldam ári túsinikti bola tústi. Negizgi ózgerister qatarynda:
Jańartylǵan onlaın tirkeý
Reıs pen jolaýshylardy tańdaý endi bir bette biriktirilgen. Sonymen qatar, onlaın tirkeý kezinde sábıler birden ata-anasyna qosa tirkeledi.
Buryn rásimdelgen bronǵa sábıdi qosý múmkindigi
«Meniń saparlarym» bóliminde jańa «Sábıdi qosý» qyzmeti paıda boldy. Eger jolaýshy erejelerdi bilmeı nemese bılet satyp alý kezinde sábıdi kórsetpese, endi ol 2 jasqa deıingi balalaryn baılanys ortalyǵyna júginbeı-aq rásimdelgen bronǵa ózdiginen qosa alady.
Bul múmkindik onlaın tirkeý bastalǵanǵa deıin ǵana qoljetimdi. Eger tirkeýden ótken bolsa, ony keri joıyp, sábıdi bronǵa qosyp, sodan soń, barlyq jolaýshylardy, onyń ishinde balany qosa, qaıtadan tirkeýden ótý qajet.
Áýekompanıasy ushý qaýipsizdigi talaptaryna sáıkes árbir sábı úshin (orynsyz bolsa da) jeke bılet rásimdeletinin eske salady. Bul qyzmet tegin jáne balalarymen saıahattaıtyn otbasylardyń daıyndyǵyn aıtarlyqtaı jeńildetedi.
Otyrǵyzý talondaryn basqarý
Onlaın tirkeýden keıin jolaýshylar mobıldi qosymsha arqyly otyrǵyzý talonyn birneshe tásilmen júkteı alady: mobıldi qurylǵy galereıasyna saqtaý nemese Apple Wallet-ke qosý (iOS qoldanýshylary úshin). Buǵan qosa, talon avtomatty túrde qosymshada saqtalady jáne ol belsendi bolǵansha «Qyzmetter» bóliminde júıege kirmeı-aq da qoljetimdi bolady. Otyrǵyzý talonyn basyp shyǵarýdyń qajeti joq – telefondaǵy elektrondy nusqasy jetkilikti.
Brondaý kezinde promokod qoldaný
Tólem aldynda promokod engizý múmkindigi qosyldy. Bul jolaýshylarǵa arnaıy usynystardy qosymsha ishinen-aq paıdalanýǵa múmkindik beredi. Qyzmet ár naýqannyń sharttaryna sáıkes jolaýshylar sany men jasyna baılanysty ıkemdi tekserý erejelerin qoldaıdy.
Endi FlyArystan jolaýshylary promokodty tek áýekompanıasynyń saıtynda ǵana emes, mobıldi qosymshada da qoldana alady. Mysaly, 2025 jylǵy 28 qyrkúıekte ótetin Almaty Marathon jáne 26 qazandaǵy Turkistan Marathon júgirý jobalaryna bılet satyp alǵanda 30% jeńildik alýǵa bolady. Promokodty marafon uıymdastyrýshylary tirkeýden ótkennen keıin usynady, al sapar jarysqa deıingi jáne keıingi eki kún ishinde josparlanýy tıis.
Jańa múmkindiktermen qatar, sońǵy jańartýda qosymshanyń tıimdiligin arttyrýǵa da basa nazar aýdaryldy.
Barlyq qyzmetterdi tolyq paıdalaný úshin mobıldi qosymshada tirkelip, jeke kabınetke kirý ótý qajet.
FlyArystan týraly:
FlyArystan – Air Astana tobynyń 100% enshiles kompanıasy bolyp tabylatyn qazaqstandyq loýkoster. Ol óz qyzmetin 2019 jyldyń mamyr aıynda bastady. 2025 jyldyń qańtar aıynan bastap FlyArystan óz sertıfıkatymen, FS kody boıynsha táýelsiz áýekompanıa retinde qyzmet kórsetýde. Áýekompanıa Almaty, Astana jáne Aqtaý qalalarynda ornalasqan bazalaryndaǵy zamanaýı A320 ushaqtarynan quralǵan áýe parkimen keń aýqymdy marshrýttar jelisi boıynsha reıster oryndaıdy. FlyArystan marshrýttar jelisi ishki jáne halyqaralyq reısterdi, sondaı-aq charterlik baǵyttardy qamtıdy. FlyArystan 2023, 2024 jáne 2025 jyldary úsh ret Skytrax World Airline Awards tarapynan Ortalyq Azıa jáne TMD-nyń eń úzdik búdjettik áýekompanıasy dep tanyldy.