№92 lıseıde «Bir kitaptyń izimen» atty joba qolǵa alyndy.
Bul jobanyń maqsaty oqýshylarǵa kitap oqytý arqyly rýhanı jan dúnıesin oıatyp, bilimderin molaıtyp, rýhanı qazyna- kitap álemine sholý jáne olardy arman bıigine samǵatyp, aqyl-oı sulýlyq álemine boılatý bolyp otyr.
Ár synypqa aı saıyn qazaq ádebıetiniń baı murasynan erekshe oryn alatyn jazýshylardyń shyǵarmalarynan bir kitap tańdalyp, oqýshylar sol kitapty oqyp, onyń mazmunyn túsinip, shyǵarmashylyq tapsyrmalar oryndaıdy. Máselen, osy aıda 5- synyp oqýshylary Berdibek Soqpaqbaevtyń «On alty jasar chempıon» povesin, 6-synyp oqýshylary Saıyn Muratbekovtiń «Kámentoǵaı» áńgimesin, 7-synyp oqýshylary Saıat Qamshygerdiń «Tastamashy, Ana!» áńgimesin, 8-synyp oqýshylary Baýyrjan Momyshulynyń «Ushqan uıa» romanyn, 9-synyp oqýshylary Beıimbet Maılınniń «Shuǵanyń belgisi» povesin, 10-synyp oqýshylary Júsipbek Aımaýytovtyń «Aqbilek» romanyn, 11-synyp oqýshylary Muhtar Áýezovtiń «Abaı joly» roman- epopeıasyn oqyp shyqty. Sonymen qatar, aıdyń sońynda oqýshylar qorytyndy tapsyrmalardy oryndady. Sonyń biri dáleli- «Aqbilek» romanynyń jelisi aıasynda 10-synyptar arasynda «Úzdik sahnalyq qoıylym» uıymdastyryldy.
Júsipbek Aımaýytov bul týyndysynda sol kezdegi áleýmettik teńsizdikti, qazaq áıeliniń aýyr taǵdyryn jáne adam rýhynyń myqtylyǵyn kórsetti. Aqbilek – qıyndyqqa tap bolsa da, moıymaǵan, ádilettilik úshin kúresken qaısar qyz. Roman taǵdyrdyń tálkegine qaramastan, rýhanı tazarý men alǵa umtylýdyń mańyzdylyǵyn úıretedi. Bul shyǵarma tek ótken dáýirdiń beınesi emes, qazirgi zaman úshin de ózekti. Bul qoıylymnan árkim ózine sabaq alǵany anyq. Atalmysh sharaǵa 10 «A», «Á», «B», «V», «G» synyp qatysty. Qoıylym lıseı dırektory Kýljan Saýytqyzynyń qutyqtaýymen bastaldy. Oqýshylar bul qoıylymdy sahnalaý barysynda óz qyzyǵýshylyqtaryn tanytyp, romandy tolyqtaı oqyǵandaryn dáleldedi. Ár synyp óz qalaýlary boıynsha oqyǵan shyǵarmanyń úzindilerin sheberlikpen somdap shyqty. Sahnanyń bezendirilýi jáne sahna mádenıeti talapqa saı bolǵanyn basa aıtqan jón. Ádilqazylar alqasy oqýshylardy baǵalaý ońaıǵa túspegenin aıtyp, árbir synyptyń erekshelikterine toqtaldy. Úzdik óner kórsetken oqýshylar túrli nomınasıalarmen marapattady.